Popular Bible Verses from Marcos 2

Share

Ca co'na' so Jesús 'xaỹa dajo, ca 'naaco': —Quecá'maq sqaicanqaida chaqai queca no'ueenta, ca se ỹouen ca natarenataxanaq, ta'ta'a ná'maq ralolaxaiquipi. Ma' se ñanac quiyim soỹaxana cá'maq 'maxaraic, ta'ta'a ná'maq sauaqhuaiquipi.

Ca so Jesús co'na' iuana da lpi'ỹaxague' saua'maxare, ca 'naaco' queso ralolaxaic: —Qami' ỹaalcolec, nagui qaỹapalaxat ná'ogue na rasauaxashichi'.

So Jesús 'naaco' qai'neeta quesaua'maxare: —Na' qaỹo'uet so na'xa'a co'mataxaqui, qaỹauaaque nco'mataxaqui na qom, qam mesqaiyi yí'maq na'xa'a co'mataxaqui yí'maq 'em qaỹo'uet na qom.

Qam ma' saua'maxare se ishite' ỹovirera'a so Jesús, ma' ỹapaguelec so qomyipi. Ca saua'maxare naqate' so lahi na lelaq so 'imec quiyí'maq naloochi'ña so'maxare. Ca quesó'maq nauaatec, ca quiichi'ñigui nqohin só'maq ralolaxaic hueetalec so lacanec.

Ca' nagui sachaxanalo qamiri quiyim najo ỹale llaalec 'ue lquesaxanaxa quena 'laua quiyim ỹapalaxat ca nasauaxaset. Ca 'naapego' so se ra'ñiigue: —Shinapega qami' nagui, ne'laxachirishiguim, nañireta' na qacanqui', ca' quirepegue' ca ra'aachi'.

¿Negue' ca paguec se qalaq quiyim qohinac queca ralolaxaic: “Qaỹapalaxate' caua rasauaxashichichi'”, loqo'm qohinapega: “Ne'laxachirishiguim, nañireta' na qacanqui', ca' qui'”?

Ca chaqa'ma' ne'laxashiguim so ralolaxaic, inanta' so lacanec. Ca' ca'e yí'maq hueeta'ñi, ca sá'ogue so qomyipi chi ra'i'tegue. Ca' quedajo, ca sá'ogue 'xoic da le'laxa. Ca' imaqachintac ñi qota'olec, 'naaco': —Se ỹauanapega 'ue ca seuanqachigui 'nejem dajo.