Popular Bible Verses from Mateo 19

Share

Ca' so Jesús ỹamatauguilo saua'maxare, ca 'naaco': —Na qomyipi se ishit ỹo'uet dajo. Qam ñi qota'olec ishit ỹo'uet dá'ogue.

Ca' totqai dos, ta'ta'a quiyim 'oonoqui'. Vichiguiño' ca qom se ishit ỹosoguilo cauá'maq mashic ỹo'naxanta' ñi qota'olec.

Ca' so Jesús 'naaco' quesaua'maxare: —¿Sqai taxahilco' quen naua naneresañi la'qaatqa ñi qota'olec quiñí'maq ỹo'ueete'o' na' ñaqai 'avichiguiñi co'na' “ỹo'uet so ỹale chaqai na' ỹo'uet aso 'aalo”? Qai'neeta 'naaco': “Vichiguiño' ca ỹale ỹalat ma'le ca leta'a chaqai aca late'e, ca' la'aayaxaua aca loua. Ca' quecaua dos ỹovireta'a quiyim 'neesari' ca 'oonoqui' qom.”

Qam so Jesús 'naaco': —'Xañiỹac na ñaaqaipioqui' ñaqai nacpegue' aỹim. Se quepaqchita'piguit. Ma' ná'maq hueetagui dá'maq lo'ueenataxanaxac ñí'maq neeta'gue da piguim, neneequesenaxai, 'nejem ná'maq 'neetari' na ñaaqaipioqui'.

Qam ỹaatqajam 'xoic quená'maq nagui 'auaxaiquipi co'uaataxanta nqohin ma'le, chaqai 'xoic ná'maq co'uaataxanta nagui 'auetaho nqohin ma'le.

Chaqai ná'ogue ná'maq no'ueenaqchichiriñi caua la'aate', loqo'm caua lqaỹa' chaqai caua lqaỹa' 'aalo, loqo'm ca leta'a, loqo'm aca late'e, loqo'm aca loua, loqo'm ca llaalqaipi, loqo'm caua na'lauari, quiyim ỹapacqajnauec quegue aỹim, ca' cien cá'maq ỹapacauec icoñiguit ma'le. Chaqai icoñiguit ma'le da nca'laxa sqaica lqodoc.

Ca' so Jesús 'naaco': —No'm vi'saque quiyim ỹaatqajam naloochiguiñi da no'ueenataxaqui', ca' miiñi' ná'ogue na hueeto'ot qami', ca' 'ỹaañirougui na 'xoraiquipi, qaiyi ỹaatqajam 'ue ca resallaxa'e' hueeta'gue da piguim. Ca ma' ime, ca naquitegue aỹim.

Ca' so Jesús 'naaco': —¿Chi'negue ma' machirahic huagaxaraic? Qaica quet cá'maq liỹa, 'oonoqui' ñí'maq huagaxaraic, ca ñi'maxare chaqaiñi ñi qota'olec. Qam no'm vi'saque vichirau'a da nca'laxa, ca' ỹaatqajam na'xaỹaxañitalo naua lelaataxanaxaco ñi'maxare.

Sopilalec sa'xat caqamiri, quiyim 'xoic lqalaic caca nauaanaxanaxa late'e quiyim queetougui nqohin ca a'na lauac. Qam paguec lqalaic ca nesallaxanec quiyim ỹahotaque inoxona'a da lo'ueenataxanaxac ñi qota'a ma' ỹoiquentac ná'ogue najo.

Ca' ỹim shinac caqamiri: cá'maq ỹalat aca loua, no'm sqai sougui da dequenaxac aca'maxare, cá'maq ỹale, no'm ỹoỹoota'a aca loua, ca 'ue da lasauaxaset. Chaqai cá'maq ỹale no'm loua aca 'aalo nalate, ca'maxare qai'neeta 'ue da lasauaxaset.

Co'na'le, ca' so Jesús 'naaco' quesaua lapaxaguinatqa: —Ỹaatqajam llic da shinac caqamiri, quiyim 'xoic lqalaic quiyim ca nesallaxanec inoxona'a da lo'ueenataxanaxac ñi qota'a neeta'gue da piguim.