Popular Bible Verses from Mateo 18

Share

Ma' cá'maq hueesa'ñi caua dos loqo'm tres lapoosagui da ỹeenaxat, ca' ỹim seuetañiguilo lavilliñi' caua'maxare.

Chaqai qai'neeta shinac caqamiri no'm 'vii caua dos caqamiri quenajo 'laua na'deenta' quiyim 'ue ca rashiilaxandaque nqouagaxaine', ca' ñi ita'a qota'olec neeta'gue da piguim ỹo'uet, ca' ỹaanema.

Co'na'le, ca' so Jesús roỹaxana so noctoqui', ca nachajñi nqai'en quena lavinñi' saua'maxare. Ca 'naaco': —Ỹaatqajam lliqueta da shinac caqamiri, no'm sqai pilliichigui nqai'ñii quiyim denaxachii ca noctoqui', ca sqai shichii noxoñiu'a da lo'ueenataxanaxac ñí'maq neeta'gue da piguim.

Ca' chaqaida 'neeta, cá'maq paguec lecaic nqohin ma' hueetaugui da lo'ueenataxanaxac ñí'maq neeta'gue da piguim, ca' chaqaica cá'maq nemanachiteta, pilchigui quiyim 'ec noctoqui'.

Chaqai cá'maq qom cá'maq queeta'pegue' aỹim, quiyim icoñiguit ca noctoqui' 'nejem najo, ca icoñiguit aỹim.

Ỹaatqajam lliqueta da shinac caqamiri quiyim 'ue ca coñirii quenajo 'laua, ca' qaicoñi' qai'neeta queda piguim. Chaqai cá'maq sohiuec qamiri quenajo 'laua, qai'neeta qaỹosouec queda piguim.

Ca' so Jesús co'na' ỹomat da la'qaatec, ca 'naaco': —Ñi ita'a qota'olec neeta'gue da piguim chaqaida 'ne'tegue ma'le caqamiri, no'm quiñi 'óna se ỹachigoxochichigui añi le'taxanata quiyim i'xoren ca lqaỹa.

Ca' canchaqaica quiyim ỹo'uet ca chicqochigui ca lasauaxaset ca 'óna quená'maq 'ec qaica ca lemaqachic huelec aỹim, ca' paguec la'maxa queca'maxare quiyim qainaxañigui na lavinñi aca huaaxai, qaicoñireto'ot na lqosot ca qa' lodegaxat nopoxoiqataxanaxat.

¿Negue' cá'maq 'ñiỹac? No'm 'ue ca qom cien aca lalo qagreta, ca' 'óna aca na'laañi, ¿peeta'a se ishito' no'ueenaqtalec aca 'laua quemaralec ladocai aca noventa y nueve, ca' eec imitaque aca ỹo'maac 'oono'lli'?