Popular Bible Verses from Génesis 37

Share

Ca 'uo' so na'xa'a, ca' so José 'uo' so le'guemataxac, ca ra'qaataxanalo' saua lqaỹa'. Qam saua'maxare nqo'neuco' da loquiiqa' queso'maxare.

Ca' so Israel paguec lqo'iichi queso José quesaua liỹa' lqaỹa', ma' ne'qaaño' co'na' mashic qo'xoic so'maxare. Vichiguiño' ỹo'ueeto' so lachiimec ỹaatqajam lo'yaxanec nqai'en.

Qam saua lqaỹa' co'na' retane' quiyim só'maq leta'a' paguec nqo'ta quesaua'que saua'maxare, ca' qanoquii'a chaqai vire'ta tot qaiquin.

Ca co'na' ime, ca' so José lotqai 'uo' so liỹa le'guemataxac. Ca lotqai ra'qaataxanalo' saua lqaỹa', 'naaco': —'Yiiñii lotqai 'ue so liỹa ỹi'guemataxac, ca queso'maxare, ca ya'iita'a añi ra'aasa chaqai ñi shiraigo chaqai saua once huaqajñi huaqaishiguim caỹim, ca' nqouagaxaintot aỹim.

Ca' saua lqaỹa' ỹaatqajam 'ue da lpa'guenaxanqa'. Qam so leta'a ỹaatqajam 'xoic da 'neeta ỹa'deentapega cá'maq 'neeto' dajo.

Ma' 'naaco' quesaua'maxare: —Ñaq na'xaỹaxañii'ta, ñaq sa'xat da ỹi'guemataxac. Se'guematetapega quiyim qomá'ogue seuqatalec yi no'ueenaxa, sahoqotaque ana qarcoñiita quena trigo. Ca' chi qaiuane'ta aso ỹaqata nachajñi ỹalamqachiguiñi. Qam saua rcoñitahi lapoorau'a aso icoñiita. Ime, ca' qanqouagaxainot.

Ỹalahi salauataq. Ca ma'le, ca' senaxasoxo'ñigui maca ni'ỹa. Ime, ca' shinqaco' 'uo' ca isecỹac toxonaxai ito, ca' ỹa'ic. Ca ma'le, ca' sa'deenaq negue' cá'maq 'neeta so le'guemataxac.

Ca co'na' que'tegueyi so nemeenaxaiquipi, liỹa leenaxat Madián laseripi, ca' qanaqajshiguim so José cañi ni'ỹa quesaua lqaỹa', ca qaimen queso Ismael llaalqaipi, veinte ana chiróla chicqaugui ana plata lesega'a nqohin so José. Ca' qai'xategue da Egipto.

Ca 'neraco' saua'maxare: —Ñaq ra'iiguit naỹa'quena na 'guemataxaic.

Ca saua'maxare ñaq qoỹoqo'chiguit, qa' idaanda'guit. Ca co'na' saqa' ỹoviro, ca chaqa'ma' na'deenta' quiyim ỹalauate' ma'le.

Sqai coraxachiỹa'pe caua neuo'. Ta'ta'a quiyim naxai'ñigui añi ni'ỹa quena 'laua qaica qom, qam qaica cá'maq 'ñii'tegue da'maxare. So Rubén 'naaco' dajo, ma' ỹahotaque nca'laxatec so lqaỹa. Ime, ca' ỹopilaxateu'a so leta'a.