Popular Bible Verses from Colosenses 2

Share

Vichiguiño' quedá'maq 'ñiitari' na' coñiguit so qara'gaxala' Jesucristo, ca' chaqaida 'ñiitari' na'yiitau'a so'maxare, 'ec 'vii lpa'yii da nachaalataxaguii na'yiitalec so'maxare, chaqai queda rpi'ỹaxaguii 'ec no'xoñiitalec so'maxare. Ma' chaqaida dá'maq qaỹapaxaguinguelo qamiri na'le, ca' se neme 'ỹaañitacot da na'aachicyaxaguii ñi qota'a.

Rovichiỹari'o', 'neeto' lotqai quii'uegue ná'maq ỹahotaque rayiñii, ỹahote'e ná'maq na'deenaxanaxa huelec najo chaqai na sqai llic na'deenataxanaxac. Ma' na'maxare sqai chicqochigui so Cristo; ta'ta'a ná'maq chi no'ueenataxac na qomyipi, chaqai quedá'maq la'deenataxanaxac chaqainaata ỹa'deentapega ná'maq nanchaqaina re'qoochigui.

Ma' qamiri quesaua 'auaxaqa ñaxari 'ec qamiri leuaxaqa sauaxat na rasauaxashichii chaqai sqaica ca netanaxashichii. Qam nagui ñi qota'a, ca' ỹo'uet quiyim rca'laxauahi so Cristo na' ỹapalaxat ná'ogue na rasauaxashichii. Ñi qota'a ỹapalaxat aso qara'uale só'maq ỹo'ueetetac da qanouaxanaxaset ma' se sepacqajnaxagui dá'maq 'nerac naua naneresañi naqataxaco. Qam ỹomachigui aso qara'uale, ca 'ec pateno queso npatenaxala'.

Ma' dá'ogue dá'maq no'ueenataxac ñi qota'a ỹaatqajam hueetagui da nachaalataxac so Cristo. Ca' nagui ỹaatqajam no'qaachiguilo qamiri queda no'ueenataxac ñi qota'a, ma' na'yiitau'a so Cristo. So'maxare chaqaiso só'maq napacalec ná'maq nashillipi chaqai ná'maq nquesaxanaxa se re'xogui.

Ca' vichiguiño' caqamiri qaica quet cá'maq qoyiqueteguelec caqamiri quecá'maq qanoxohi chaqai quecá'maq ni'chiigui, loqo'm quecá'maq nemaqachic na'xa'a, loqo'm queca dalaxaic shiraigo, loqo'm queca na'xa'a co'mataxaqui. Ma' ná'ogue najo chi lqui'i cá'maq novi' ma'le, qam dá'maq ỹaatqajam leloxoỹaxac chaqaiso so Cristo.