Popular Bible Verses from Psom 139

Share

Mo loue twa parski to finn kree mwa enn vre mervey, tou seki to fer li enn mervey, sa mo bizin rekonet.

Examinn mwa, O Bondie pou to dekouver mo leker; teste mwa pou to konn mo panse. Gete tomem si ena lemal dan mwa e gid mwa lor sime leternite.

Se twa kreater sak parti mo lekor; se twa ki finn fasonn mwa dan vant mo mama.

To lizie ti trouv mo lekor ki pa ti ankor ena form. To ti fini tras tou mo bann zour avan mem ki mo lizie ti ouver pou trouv premie zour-la.

Segner, to finn examinn mwa net e to kone ki mo ete.

Kot mo kapav kasiet pou res lwin ar twa? Kot mo kapav sove pou pa tom dan to prezans?

To okouran kan mo asize, kan mo diboute; depi lwin laba to kone ki pase dan mo latet.

Avan mem mo ouver mo labous, SEGNER, to kone ki mo pou dir.

To kone sipa mo pe travay ou si mo pe kas poz; to ena tou konesans lor seki mo pe fer.