Popular Bible Verses from ROMA 10

Share

Asma kuúng Yesu bura ya/aán ar afkók, adór inós tar Aako, nee bara haratlintí' ar muunaáwók adór inós Mungú ngura waasle/atís baraá múk aa qaátl wa ale, daqaní kuúng a ba/aán.

Asma hee in haratlintaatii' ar muuná, tam kuri gan'amuú i harafaar dír geeraá Munguhe, nee afkose iri ya/án tam ba/ama gari sláy.

Gawaá adoorihe gár haratlintaaór huwahuuw, a Ya/abtoodá' taa axaás, nee Ya/abtoodá' baraá axweesantá Kristo gan dáhh.

Asma Gooi i kat, «Heé inós gwa haratlintii' ku mureekeesiiká.» Asma baraá kaangwihe gár dimbé i káhh dír heé Yahudi nee dír heé Yunaniro. Asma sleémeero Aakooín a wak. Nee hhooeemaawós i bu'uutiyá' dír umuúqo heé inós gu ateetima. Asma Gooi i kat, «Umuúqo heewo kudá' umuú Aako gu ateetiím i ba/án.»

Nee slám hee adór ngur alki/iiti burkwa ya/aawiiká. Asma Gooi i kat, «Mukdá' Ya/abtór hho' alki/iít hardahamuuín ku slaa' ló'wa ale.»

Ala adór kur ateeti kudaádá' inooín ta haratlintati'iiká. Nee slám adór kur haratlintii'i kudaádá' kangós inooín taa axaasiiká. Nee kangós adór kur axaasi, bar heé gu alki/iít i kaahh.

Asma Kristo hara'aya gan boo/eemiis, as kahhó' umuúqo heewo oo gwa haratlintii' kuwa gan'amií harafaari.