Popular Bible Verses from Mateo 16

Share

Azɔ Yesu gblɔ na eƒe nusrɔ̃lawo be: “Ne ame aɖe di be yeanɔ yonyeme la, negbe nu le eya ŋutɔ ɖokui gbɔ, netsɔ eƒe atitsoga, eye wòanɔ yonyeme.

Azɔ la mele egblɔm na wò be wòe nye kpe eye wò, kpe sia dzi matu nye hame la ɖo. Ku gɔ̃ hã mate ŋu aɖu edzi o.

Matsɔ dziƒofiaɖuƒe la ƒe safuiwo ana wò. Nu sia nu si nàbla le anyigba dzi la anɔ babla le dziƒo, eye nu sia nu si nàtu le anyigba dzi la anɔ tutu le dziƒo.”

Elabe ame sia ame si di be yeaɖe ye ŋutɔ yeƒe agbe la, abui; ke ame sia ame si abu eƒe agbe le tanye la, akpɔe.

Ne xexeme blibo la zu ame aɖe tɔ, eye wòbu eƒe agbe ɖe, viɖe kae wòkpɔ? Alo nane li, si ame atsɔ aɖɔli eƒe agbea?

Tete Yesu bia wo be: “Ke miawo ɖe, ame kae menye le mia gbɔ?” Simon Petro ɖo eŋu be: “Wòe nye Kristo la, Mawu gbagbe la Vi.”

Yesu gblɔ nɛ be: “Mawu yra wò, Simon, Yona vi, elabe menye amegbetɔ aɖekee ɖe esia fia wò o, ke Tɔ́nye si le dziƒowo la boŋ ye.