Popular Bible Verses from Yosua 10

Share

Tete ɣe nɔ te ɖi, eye ɣleti tɔ te ɖi, va se ɖe esime dukɔa bia hlɔ̃ woƒe futɔwo. Ðe womeŋlɔ nya sia ɖe Ame dzɔdzɔewo ƒe Agbalẽ la me oa? Esi ɣe ɖo ta la, etɔ te eye mezɔ yi ɖaɖo to o. Enɔ afi ma abe ŋkeke blibo ene.

Gbe si gbe Aƒetɔ na Israelviwo ɖu Amoritɔwo dzi la, Yosua ƒo nu kplii. Yosua gblɔ le Israelviwo ŋkume be: “Ɣe, nɔ tsitre ɖe Gibeon tame! Ɣleti, tɔ te ɖe Ayalon-bali la tame!”

Ale Aƒetɔ wɔ ɖe amegbetɔ ƒe gbe dzi gbe ma gbe. Ŋkeke aɖeke menɔ nenema kpɔ o, eye ɖeke hã maganɔ nenema akpɔ o, elabe Aƒetɔ nɔ Israelviwo dzi wɔ aʋa na wo.

Aƒetɔ gblɔ na Yosua be: “Mègavɔ̃ wo o, elabe mana miaɖu wo dzi. Wo dometɔ ɖeka hɔ̃ hã manɔ te ɖe nuwò o.”

Yosua gblɔ na wo be: “Migavɔ̃ o, eye dzika megatso mia ƒo hã o. Milé dzi ɖe ƒo eye misẽ ŋu, elabe alea ye Aƒetɔ awɔ miaƒe futɔ siwo awɔ aʋa kpli mi lae.