Popular Bible Verses from ARoma 3

Share

Muloŋa antu ejima anaputoli, anakaŋanyi kushika mwashikila lubanji lwakulema kwaNzambi, akuyiyiŋisha nakuyitena aloŋa naluwi lwindi chamukunkulu, nakukuula kwekala mudi Kristu Yesu.

kwokuloŋa kwaNzambi kwenzaŋa kudi akwakukuhwelela ejima mukukuhwelela Yesu Kristu, muloŋa hikwekala kwambula antuku.

Nzambi wamutoŋweli yena kwikala itanda daluwi namashi indi hakukuhwelela, kulonda kumwekesha kuloŋa kwindi, chadiwiliyi Nzambi nshidi jakoŋeluwu dehi chachikulu, nawushona windi; amwekeshi kuloŋa kwindi hamafuku anu; kulonda yomweni ekali waloŋa, ekali nawa mukwakuyiŋisha nakumutena waloŋa, muntu wukukuhwelela Yesu.

Muloŋa hikudi muntu akuyiŋishawu nakumutena waloŋa kumesu indi nanyidimu yanshimbuku; muloŋa kunshimbi diku kwelukilaŋawu antu chiyekala nshidi.

Mwomwanasonekuwu nawu, Kwosi waloŋa, hela niwumuku; Kwosi washinshikaku; Kwosi wakeŋakeŋaŋa Nzambuku. Wejima wawu anasenuki dehi hambadi; Wejima wawu anekali amukunkulwayi hohu; Kwosi welaŋa chachiwahi hela niwumuku.

Dichi dinu, tunafuukuli netu muntu anamuyiŋishi nakumutena waloŋa nakukuhwelela chakadi kwila nyidimu yanshimbi.

Chinjila! Chalala, Nzambi ekali walala, antu ejima ekali antwambi; chochasonekawu dehi nawu, Chiwakahosha akakumoni nawu waloŋa, Chakakusompeshawu wakayihishi.