Popular Bible Verses from Markə 13

Share

Sôwâ daŋ' də mi sî zə rin, ama swə məni car ŋgəɗiŋ' hâ ndo' rum, bə rum də ke kə nyî mə də hâ.»

I kaw wa ri, i nde sen mi, zə hi cu we ri məni mum də mbə ndi nə də ke kə ma su mi.

Ɓay kəri məni handay də mi ra' kədan handay də kor sum ɓok dan kə ri, i ɗik dan wa dan məni hi wə də in nə cop mi, ama i də in dan məni Simbeɗ mə Kəleŋ wə də mi ne kə ri rum, zə hi cu kə məni wə də in dan rum mi, ama Simbeɗ mə Kəleŋ na.

Wafray kə nya də ndo', ama dan man cu də ndo' kpe mi.»

«Ama swə ɗaw cu we bəka mbə rum ko ri mbə rum mi. Ko sum sin Ifray mə wafray, ko Vay Ifray cu we mi, say Bəba ɗaw sar we.

Kəri məni hi də mun ci' zi mə həre', ɓay hi də mun dan zi mə seŋ, i ne wəlok mi, zə kwa rum də mbə gi, ama ndo' nya cu məto'o.

Hi ta', i ji kə ɓayrum, zə hi cu we ri məni bə so də gewa mbə nə mi. Ke məsin mum də mbə kə ɓel, ko kə du dukri, ko kə vun bəka, ko kə bəka su na. Mum la' gewa mbə ɓok si, ka nə mbə za' ni wa sen mi. Dan məni na wə in mi ne, na wə in ne kə sôwâ daŋ'ŋ: I ji kə ɓayrumu!»

Sôwâ nya məsin də car zi wa sôwâ məsin, ɓay jwə məsin də car zi wa jwə məsini. Nya də nyen wə ri cem cem, ɓay mê' də nde. Kwa rum də ke ce' ndə təŋ zə boni məni ma wə tuk kə vra'a.

Say cop rum sôwâ də ka' Dan mə Kəɗam ne kə zə saŋ daŋ'ŋ.

Sôwâ juk wə də mbə kə semɗe rin, ɓay handay də ini: "Na nə Kris na", ɓay handay də vi' sôwâ juku.

Ama hi, i ji tu ri, zə sôwâ məsin də mi ra' də kor sum ɓok dan kə ndi. Handay də mi pe kə ləva wə rawti so Ifray sôwâ Zuwif. Hi də ca kor sum rôwâ nya kə kor sum jwə zə rin kədan hi in njeŋ dan wa rin kor ndaya.

Zə kris mə hay dan kə sum ka' dan mə hay dan də mba. Handay də gi kwa mə ta' kwa kə yew kədan handay vi' sôwâ məni Ifray da' nday, handay la' gak gi si.

«Ama du bəka rum, kəki boni rum, fəta də faŋ ura', ɓay cer cu də ɗeri mi. Ciciw də njay mbə nya ɓay gbəgboŋ mə wafray də nyene.