Popular Bible Verses from Markə 12

Share

Zezu ɗam vun rumu: «Dan dlay mə mbri məni pâ nday daŋ' nə ni na: I mun ri' sôwâ Israyel! Bârî, Ifray mba, mum nə Bârî ɗaw sara. I bə Bârî Ifray mi kə vunduk ri daŋ' kə nyî ri daŋ', kə gwet mi daŋ', ɓay kə gbəgboŋ mi daŋ'ŋ. Bây hoɓ dan dlay mə mbri rum nə ni na: A bə jik wû ce' ndə məni ha wə bə tu ru. Dan dlay mə pâ mə hoɓ məni kuni cu za' mi.»

Zezu faŋ ɗe sum ta zə rum ɓay la' ne ndaya: «Na in mi ne kəzin', rənda mə kə ca rə njay kwa ta han pâ sôwâ məsin daŋ'ŋ. Zə sôwâ məsin daŋ' njay səlay məni wə ɓa nday dan sin, ama ta, du ca sə, ta njay kwa daŋ' məni wə ɓa sa. Ta ne kwa daŋ' məni ta kə ndi zə ur tu sə nə cete.»

Kəki rum, Zezu faŋ suk kor sunduku njay səlay han, ɓay mum kar raw sôwâ məni wə njay səlay də hana. Sum ndak juk wə njay səlay də han juku. Kəki nday, rənda mə kə ca mbə day, ɓay ta njay suŋku hoɓ wə hana.

Ɓay say swə bə Ifray kə vunduk rum daŋ', kə gwet um daŋ', ɓay kə gbəgboŋ um daŋ', ɓay bə jik um ce' ndə məni mum wə bə tu rumu. Kədan ta zə dan dlay mə hoɓ məni kuni pâ məni namba fol kwa po' fur mə ye' ku ye' kor Ifray kə ndi, ko ne kwane cem cem ne kə Ifray si.»

Zezu faŋ la' ne ndaya: «La' ndəna' si, i ne kwa jwə mə mbri mə nya Romə ne num, ɓay i ne kwa Ifray ne num ta'a.» Ɓay dan ɗam rum jin' wa ne ndaya.