Popular Bible Verses from Lévitiko 26

Share

Me nsi zin netèt bin, be Nsi zin, bin be yàm nzwit mèn.

mba me nsi ke tum mbaṅ bin ngelaṅ i, tsha' fà tshu, ntù mi a num njam ntàm nà yam ntàm mube.

A be ze bin ze ntshù' màm, a be ze bin tshùb nkàn màm, nke nze njoṅ i fa là

Me nsi ghù fite tsho ntùm ngô, bin zi mèn ke kamte zin num miaglo; me nsi biagte tshùagkèt nyàm ntùm ngô, ṅwi be ke tshùa ntùm zin ngô.

Me nsi kaṅ wul àm lôte zine, me nsi ghù bin sine, ghù bin yàme, me bèn nke mbéb kàn sàm se bag bin wat là.

Me b'a Tshùaben Nsi zin, me na' nsô zin Egipto, nsô zin ndà kuan; me lo keb nkù kele' sine, ngù bin be zin nke ntshag tu zin tù.

Me nsi te dù'ntswe àm netèt bin, ntù àm be ke ke mbag num bin.

Bin ke nsi nabte ba neto, bin ke ghù nekome, ke ze nebom bom no, ke bèn nte nesà loṅ ntùm ngô, se bo tshebte ba netshaṅ bon tshu bwe, nke ngwù nsi mbwe i là; nummbe me b'a Tshùaben Nsi zin.

Bin nsi jù njwèn tshu, sô njwèn tshu kà tse nswe fon dù' netsho bwe.

Ben tàn netèt bin nsi yab njam tse nkù, ben nkù yab njam tse ntsha' gham, bin watte yub be kua' mbwe bin.

Bin nsi tsham nsa tà nèn kum ngelaṅ nekeb nsa, lo num ngelaṅ nekeb nsa nèn kum ngelaṅ neywit tshu. Bin jù bàn zin kà njwèle, tswe ntùm zin ngô kua' ntùm fite.

Bin nsi yab njam ghakeban tsine, ta' yub kà wat yub be kua' mbwe bin.

Bin nsi ze Sabbat tshàm, ke lo' dù'ntswe àm kua' ntùm nku'ni. Me b'a Tshùaben.