Popular Bible Verses from Rm 10

Share

Nge wo mem anyu dôé na, Krist a ne Nti; a nge wo buni e nleme wôé été na, Zambe a nga wômôlô nye miñwuan, wo ye nyiñ.

E ne na; mbunan ya buni e *nlem été, wo kee môt e *zôsôô été; a mmemane ya mem a anyu, wo kee môt ényiñ été.

Ajô te mbunane wo so nkatane foé, a nkatane foé ô ne nkañetane ya ajô Krist.

Amu ntilane wo jô na: Môt ase a buni, nye a ye bo te veban ôson nyô. Ajô te, nkandan ô nji bo zañe mone Beyude, a mone Grék. Bese be bili Nti wua, nyô a ne abui ésôs, e be ba bese ba loone nye. E ne na: Nyô ase a loone jôé Nti a ye nyiñ.

A nkatefoé a nga ye kat aya, teke lômban. Amu Ntilan wo jô na: Ngo'o aka'a abeñe mebo ya ba ba kañete mbamba mefoé me né.

Nde be nga ye loone nye aya, nge be nji buni nye? A be nga ye buni nye aya, nge be nji wô'ô ajô dé? A be nga ye wô'ô de aya, teke nkatefoé'

Amu asu'ulane metiñ e ne Krist, nde *zôsôô a ye veban e be nyô ase a buni.