Popular Bible Verses from Rm 1

Share

Amu me nji wô'ô Mbamba Foé ôson, amu a ne ngule Zambe, mfa'a nyiane ya môt ase a buni, ôsusua Beyude, wôna Begrék.

E be nye, *zôsôô éziñ ya Zambe a yené été, ataté e mbunan a su'ulane mbunan; ane e ne ntilane na: Nyô a ne *zôsôô amu mbunan, a ye nyiñ.

Amu aso ntéane ya *si nyô, miñyeman mi Zambe mia dañ, mis me ne te yen, e ngule jé ya nnôm éto a éto jé ane Zambe, bia yené e biôme a nga té été. Ajô te be nji bi éfia ya kaleban je.

Amu zene nyôna na, be yeme Zambe, ve te ve nye akéva da yiane nye. Ve be nga viane jañ e mbia be asimesane bap été, a minleme miap ya *te fek mi nga ku dibi été.

Be nga folane benya mejôô me Zambe a minsos, a viane kañe mintéane mi biôm, ve te kañe nté biôm émien, e nyô a nee ébotane nnôm éto, *amén.

E ne na: Zambe a liti ayaa dé e so'o yôp, e mfa'a ya *abé ese, a ékotekot ése ya bôt, mbe bete ba kame bebela na a yené.

Ajô te Zambe a nga li'i be e mboone mbia minkômbane mi ôson été. Avale ya na, binga bap be nga tyendé mboone ya abialé, ntabane befam a binga, a bo mboon ô ne te yian abialé bôt. Befame fe avale da, be li'i mfula'an ya fulane binga, be nga jaé ayôñe minleme ya kômbô fulane beebe, nsela'ane a abialé bôt, a bo mame me ne ôson e zañe jap a su'ulane nyoñe ma'ane me nkobane zene wop. A, mbôle be nga bo te yene mvaé ya ba'ale ñyemane wo so be Zambe, Zambe a nga li'i be e ñyemane ya *te fek été, amu ajô te be nga bo mam be nji yiane bo.

E ndu'ane bebiene na be ne fek, be nga viane su'ulane bo mekut. Be nga folan étôto'o Zambe a ne te tyendé a bive'ela bi môt a tyendé, bi anon, bi betit ba wulu a mebo menyin, a bi betite ba woñ.