Popular Bible Verses from Genesis 50

Share

Ape do ińre bạṛicʼpe hudisleda, menkhan Isor do ona talate bhạlại reakʼe monsubạ akada jemon ḍher hoṛakʼ jiwi rukhyiạkʼtako; ar teheń do onage hoyakana.

Menkhan Josephe menkeda, “Alope botorokʼa. Isorakʼ ṭhạ̃ire teṅgon lạgitʼ iń doń cele kana?

Onate ape do alope botorokʼa. Iń do ape ar aperen hopon ar hoponerako lạgitʼ jomakʼ iń jogaoapea.” Noako as reakʼ kathate uni do jiwi raṛecʼe ematʼkoa.

Onko do Joseph ṭhen katha roṛgotʼkateko menkeda, “Gujukʼ lahare babae menleda, amre okaṭakʼle behok akatʼ ona aleakʼ kại baṛe ikạitaleme. Onate aleakʼ nehõr do amren golamkoakʼ behokakʼ baṛe ikạitaleme.” Ar Joseph do onkoakʼ katha ańjomkateye rakʼkeda.

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”

Ona tayom Joseph do Israelkoe kiriạ ocoketʼkoteye metatʼkoa, “Isor do khạṭige apeye jotonpea. Nonḍe khonpe calakʼre ińakʼ jaṅko hõ iditoraetińpe.”

Ar Joseph do mitʼsae gel bochor umer tahẽkanreye gocʼena. Ar uniyakʼ mạ̃ṛĩre jokʼgao mosolako ojokʼakʼte mitʼṭecʼ baksare dohokate Misorreko baekadea.