Popular Bible Verses from Genesis 37

Share

Mitʼdin Joseph do mitʼṭecʼe kukmũkeda. Ar ona katha acʼren dadattetʼtakoe lạiyatʼko khan onko do arhõ bạ̃ṛti hiskạwaeko ehopʼena.

Haṛam umerren hopone tahẽkan iạte Israel do joto hoponko khon Josephge ḍhere dulạṛede tahẽkana. Ar mitʼṭecʼ tilpạṅ talpaṅ aṅgrope benaoade tahẽkana.

Uniren boehako tinreko bujhạukeda, akoren apat do Josephge bạ̃ṛtiye dulạṛedea mente unre onko do uni hiskạwaeko ehopʼena. Ar uni tulucʼ katha hõ mońte bako roṛetʼ tahẽkana.

Noa tayom Joseph do arhõ mitʼṭecʼe kukmũkeda ar acʼren dadattetʼtakoe lạiyatʼkoa. Uni doe metatʼkoa, “Ńelpe, iń do arhõ mitʼṭecʼ kukmũń ńelakada. Ińiń ńelkeda siń cando ar ńindạ cando ar gelmitʼ ipilko do ińko ḍobokʼạń kana.”

Niạ tayom Joseph iạte acʼren boehako do hiskạte mon perecʼentakoa, menkhan uniren apat do noako katha monreye rebetʼ dohokada, ar okoehõ bae lạiyatʼkoa.

Joseph doe metatʼko tahẽkana, “Ańjompe, iń do mitʼṭecʼ kukmũń ńel akada. Ona do nonka, abo do khetre getʼakatʼ phosol reakʼ ạṭi bon toleda; menkhan hahaṛa do noage je, ińakʼ ạṭi do sojhete teṅgo akana. Ar ona tayom apeakʼ ạṭiko do ińakʼ ạṭi beṛhaete teṅgokate ińakʼ ạṭiko ḍobokʼada.”

Dela, ńitokʼge bon gojea ar mitʼṭecʼ kuńre bon khadlekaea. Ar bon mena, uni do kaṭaha janwarko jomkedea, ar ona tayom do uniyakʼ kukmũ reakʼ bon ńela cetʼ hoyokʼa mente.”

Ar Midiạnren bạnij-bepariko do tinreko hecʼ sorena unre Josephren boehako do kuń khonko or rakapʼkedea ar bargel rupạ ṭakate Ismaelren bepari ṭhenko ạkhrińkedea. Onko bạnij-bepariko do Misorte Joshepko idikedea.

Onko do ako akoreko mepenena, “Hạni ńelepe, kukmũ gurui hijukʼ kana.

Onko do sạṅgiń khon Josephko ńel ńamkedea ar ako ṭhen ạuriye seṭerokʼrege goje reakʼko solhawana.

Uni do solhae ematʼkoa, “Mãyãm do alope joroetaea. Ar unire hat hõ alope lagaoa bickom mitʼṭecʼ kuńre bhoraokaepe.” Uni do onko ti khon Joseph bańcaoe lạgitʼ ar apattetʼ ṭhen jimạkae lạgitʼ noa kathae menkeda.