Popular Bible Verses from Exodus 11

Share

Unre Probhu Isor do Moseye metadea, “Iń do Pharao ar Misor disạmre ar mitʼṭecʼ duk iń kola. Ar ona tayom Pharao do nonḍe khone sen ocoapea. Menkhan tinreye sen ocoape unre uni do nonḍe khone laga oḍokpea.

Onate Misor disạm reakʼ sanam gharońjren pạhil hoponko gujukʼa. Siṅghạson ạidạriyicʼ Pharaoren pạhilicʼ hopon khon ehopʼkate janteye riritʼ kạ̃ṛmĩren pạhilicʼ hopon hạbicʼ okoehõ sarecʼ do bako tahena. Ona chaḍa mĩhũ meromkoren hõ pạhil janam akan hoponko gujukʼa. Goṭa Misor disạmre nonka homor halaṅ hoyokʼa one onka do tishõ baṅ hoyakan ar tishõ baṅ hoyokʼa.

Probhu Isor do Moseye metadea, “Misor disạmre ińakʼ hahaṛa kạmiko jemon ḍherokʼ onate Pharao do amakʼ katha bae ańjoma.”