Popular Bible Verses from रोमी 2

Share

तु एहेन काम करैबलासबके दोस लगाइचिही, हे लोकसब आपने तु ओहेन कामसब करैचिही। कि तु परमेस्‍वरके नियायसे बचबिही कैहके सोचैचिही? या कि तु परमेस्‍वरके महान किरपा, सहनसिलता आ धिरजके तुच्‍छ सम्‍झैचिही? परमेस्‍वर आपन किरपासे तोरा पापसे पस्‍चाताप करैके मौका देनेछौ से बात कि तोरा थाह नै छौ?

हे लोकसब, कि तु दोसरके दोस लगाइचिही? तोरासबमेसे चाहे जे कोइ हेबे, दोसी नै चियै कैहके बहाना करैबला कोनो कारन नै छौ। दोसरके दोस लगाइबला तु आपनेके दोसी ठहरबिही, कथिलेत जे कामके लेल दोसरके दोस लगाइचिही, उ काम तु आपने करैचिही।

कथिलेकी परमेस्‍वर ककरो पक्‍छपात नै करैछै।

कथिलेकी बेबस्‍था सुइनके मातरे लोकसब परमेस्‍वरके नजरमे धरमी नै ठहरतै महज बेबस्‍था पालन करैबलासब धरमी ठहरतै।

परमेस्‍वर हरेक लोकके ओकर करल काम अनुसारके फल देतै।

महज आपनेके मातरे परेम करैबला, सत बातके पालन नै करैबला आ खराब बातमे लागल रहैबला लोकसबमे परमेस्‍वरके करोध आ दन्‍ड परतै।

महज तु जिद्‍द कैरके पस्‍चाताप करैले नै चाहलिही। ओहैसे तु परमेस्‍वरके नियाय हैबला दिनमे बरका दन्‍डके लेल करोध समैटके राखनेचिही, जै दिनमे परमेस्‍वर ठिकसे नियाय करतै।