Popular Bible Verses from মার্ক 14

Share

তে কলঅ, “বাবা, মঅ বাপ্পো, তইধু দঅ বেক্কানি সম্ভব। এই দুঘোর্ গলচ্চো মত্তুন্ তুই নেযা। তো মর্ আওজ্ মজিম ন-ওক্, মাত্তর্ তর্ আওজ্ মজিম ওক্।”

জাগি থাগঅ আর তবনা গরঅ যেন পোরোক্ষ্যেত্ ন-পড়অ। আত্মায় আওজ্ আঘে ঠিগ্, মাত্তর্ কিয়্যেদি বল্‌পোজ্যে।”

ইক্কিনে, মুই তমারে ঘেচ্চেকগুরি কঙর্, জগদর্ যে কনঅ জাগাত্ গম্ হবর্ ফগদাং গরা অবঅ সিধু এ মিলেবোর্ কধাগান্ ইদোত্ তুলি দিবাত্তে তার্ এ কামর্ কধাগান্অ কুয়ো অবঅ।”

তে তারারে কলঅ, “দুঘে যেন মঅ পরাণান্ নিগিলি যার্। তুমি ইয়েনত্ জাগি থাগঅ।”

হানা-দানা চলের্, এমন্ সময়োত্ যীশু রুটি লোইনে গোজেনরে ভালেদি জানেল আর সিয়েনি কট্টা কট্টা গুরিনে শিচ্চ্যগুনো আঢত্ দিইনে কলঅ, “এইয়্যে লঅ, ইয়েন মর্ কিয়্যে।”

সে পরেদি তে গলস্ লোইনে গোজেনরে ভালেদি জানেল আর শিচ্চ্যগুনোরে দিলো। তারা বেক্কুনে সে গলচ্চোত্তুন্ খেলাক্। সেক্কে যীশু তারারে কলঅ, “ইয়েন মর্ লো যিয়েন ভালোক্কুনোত্তে দিয়্যে অবঅ। মান্‌জ্যত্তে গোজেনর্ নুয়ো বেবস্থা মর্ এই লো-গান্দোই পুরেই দিয়্যে অবঅ।

যীশু তা শিচ্চ্যগুনোরে কলঅ, “মরে নিইনে তমার্ বেক্কুনো মনত্ মানা এবঅ। পবিত্র বোইবোত্ লেগা আঘে, ‘মুই গরক্কোরে মারে ফেলেম্, সেক্কে ভেড়াছাগলুন্ ছিদি পড়িবাক্।’

উদো, আঢঅ আমি যেই। চঅ, যিবে মল্লোই বেঈমানী গরের্ এইয়্যে সে মানুচ্চো।”

যীশু তারে কলঅ, “মুই তরে ঘেচ্চেক্‌গুরি কঙর্, এচ্চ্যে বেন্যেপোত্যে রাদা কুরো দ্বিবার ডাগ্ কারিবার্ আগেদি তুই তিনবার্ কবে, তুই মরে ন-চিনোস্।”