Popular Bible Verses from মার্ক 13

Share

মত্তে বেক্কুনে তমারে ঘিনেবাক্, মাত্তর্ যে থুম্ সং থির্ থেবঅ তে উদ্ধোর্ পেবঅ।

তুমি জাগন্ থাগঅ, উজিয়ার্ থাগঅ, কিয়া সেই সময়বো কক্কে এবঅ সিয়েন তুমি হবর্ ন-পঅ।

যেক্কে তমারে ধুরিনে বিচেরত্তে নেযেবাক্ সেক্কে কি কুয়ো পড়িবো সিয়েন আগেত্তুন্ ধুরি চিদে ন-গোজ্য। সে সময়োত্ যে কধাগান তমারে কোই দিয়্যে অবঅ তুমি সিয়েনই কবা, কিয়া তুমি যে কবা সিয়েন নয় বরং পবিত্র আত্মাগানে কধা কবঅ।

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

সেই দিন্নো আর সেই সময়বোর্ কধা কেঅ হবর্ ন-পায়, স্বর্গর্ দূত্‌তুনেয়ো ন-পান্, পুয়োবোয়ো ন-পায়; বানা স্বর্গীয় বাবা হবর্ পায়।

যেক্কে তুমি যুদ্ধোর্ রঅ আর যুদ্ধোর্ হবর্ শুনিবা সেক্কে ন-দোরেয়ো। ইয়েনি অবঅ, মাত্তর্ সেক্কেয়ো থুম্ নয়।

“তুমি সজাগ্ থাগঅ, কিয়া ঘর গিরোজ্‌‌সো কন্ সময়োত্ এবঅ তুমি হবর্ ন-পঅ-সিবে সাজোন্যে ওই পারে বা রেত্ সম্মাগত্ ওই পারে বা বেন্যে পোত্যেয়ো ওই পারে। আদিক্ক্যেগুরি তে এইনে যেন ন-দেগে তুমি ঘুম্ যর্। তমারে যিয়েন কঙর্ সিয়েন বেক্কুনোরে কং, জাগি থাগঅ।”

এক জাদে অন্য জাদর্ বিরুদ্ধে, এক রেজ্য অন্য রেজ্যর্ বিরুদ্ধে যুদ্ধো গুরিবো। পত্তি জাগাত্ ভাদরাত্ আর ভূজোল্ অবঅ। মাত্তর্ ইয়েনি বেক্কানি বানা যন্ত্রনার্ আরাম্ভ।

বেক্ জাদ্‌তুনো ইধু পত্তমে গোজেনর দিয়্যে গম্ হবরান্ ফগদাং গরা অবঅ।

ভালোক্‌জনে মঅ নাঙে এইনে কধা কবাক্, মুয়ই সিবে আর বোউত্ মান্‌জ্যরে ঠোগেবাক্।

তুমি উজিয়ার্ থেয়ো। মানুচ্চুনে তমারে বিচের-সভাত্ মানুচ্চুনো আঢত্ ধুরি দিবাক্ আর সমাজ-ঘরত্ পিদিবাক্। মত্তেই দেজর্ শাসনগুরিয়্যেগুন আর রাজাগুনো মুজুঙোত্ তমাত্তুন্ থিয়্যে পুড়িবো। তারা মুজুঙোত্ মঅ পৌইদ্যেনে তমাত্তুন্ সাক্ষী দিয়্যে পুড়িবো।

সেনত্যে সেক্কে বোউত্ ভন্ড মশীহ আর ভন্ড ভাববাদী এবাক্ আর তারা আমক্ অবার্ চিহ্নো কাম্ গুরিবাক্, যেন সম্ভব অলে গোজেনর্ বেঈ লোইয়্যে মানুচ্চুনোরেয়ো তারা ঠোগেই পারন্।

সেই সময়োত্ দুঘোর্ ঠিগ্ পরেদি বেলান্ আন্ধার্ ওই যেবঅ, চানানে আর পহর্ ন-দিবো, তারাগুন্ আগাজত্তুন্ খুয়োই পড়িবাক্ আর চানান্-বেলান্-তারাগুন্ আর থির্ ন-থেবাক্।