Popular Bible Verses from মথি 26

Share

জাগি থাগঅ আর তবনা গরঅ যেন পোরোক্ষ্যেত্ ন-পড়অ। আত্মায় আওজ্ আঘে ঠিগ্, মাত্তর্ কিয়্যেদি বল্‌পোজ্যে।”

তে তারারে কলঅ, “দুঘে যেন মঅ পরাণান্ নিগিলি যার্। তুমি ইয়েনত্ থাগঅ আর মঅ সমারে জাগি থাগঅ।”

পরেদি তে কিজু দূরোত্ যেইনে মাদিত্ মাঢা নিগুরিনেই পড়িলো আর তবনা গুরিনে কলঅ, “মর্ বাবা, যুনি সম্ভব্ অয় সালে এই দুঘোর্ গলচ্চো মত্তুন্ দূরোত্ যোক্। তো মর্ আওজ্ মজিম ন-ওক্, তঅ অায়োজ্ মজিম ওক্।”

কিয়া ইয়েন্ মর্ লো যিয়েন্ ভালোক্কুন্ মান্‌জ্যর্ পাপর্ খেমাত্তে দিয়্যে অবঅ। মান্‌জ্যত্তে গোজেনর্ নুয়ো সুদোম মর্ এই লো-গান্দোই সুজো অবঅ।

হানা-দানা চলের্, এমন্ সময়োত্ যীশু রুটি লোইনে গোজেনরে ভালেদি জানেল। পরেদি তে সেই রুটিগান্ কট্টা কট্টা গুরিলো আর শিচ্চ্যগুনোরে দিইনে কলঅ, “এইয়্যে লঅ, হঅ; ইয়েন্ মর্ কিয়্যে।”

ইয়েনর্ পরেদি তে গলচ্চো লোইনে গোজেনরে ভালেদি জানেল আর সিবে শিচ্চ্যগুনোরে দিইনে কলঅ, “গলচ্চোর্ এই আংগুর-রস্‌চান তুমি বেক্কুনে হঅ

ইয়েনর্ পরেদি তে তার্ তিনজন শিচ্চ্য ইধু ফিরি এইনে দেগিলো তারা ঘুমোত্ পোজ্জ্যন্। তে পিতররে কলঅ, “ইয়েন্ কি! তুমি তিনজনে মঅ সমারে এক ঘণ্টায়ো কি জাগি থেই ন-পারিলা?

মুই তমারে কঙর্, ইক্কেত্তুন্ ধুরি যেদক্ বিলোন্ সং মুই মঅ বাব রেজ্যত্ তমা সমারে আংগুর-ফলর্ রস্ নুয়ো গুরি ন-হাং সেদকদিন সং মুই আরঅ কনদিন্অ সিয়েন্ ন-হেম্।”

যীশু যিয়েনি কোইয়্যে সিয়েনি পিতরর্ মনত্ পড়িলো, “রাধাকুড়ো ডাগ্ কারিবার আগেদি তুই তিন পল্লা কবে, তুই মরে ন-চিনোস্।” সেক্কে পিতরে বারেদি যেইনে জদবদে কানা ধুরিলো।

উদো, আঢঅ আমি যেই। চঅ, যিবে মল্লোই বেঈমানী গরের্ এইয়্যে সে মানুচ্চো।”

সেক্কে যীশু তারে কলঅ, “তঅ ছুরিগান্ খাবত্ থঅ। ছুরি যিগুনে ধরন্ তারা ছুরিলোই মরন্।