Popular Bible Verses from মথি 19

Share

যীশু তারা ইন্দি উজুগুরি রিনি চেইনে কলঅ, “মান্‌জ্যর্ পক্ষে ইয়েন্ অসম্ভব ঠিগ্, মাত্তর্ গোজেনর্ পক্ষে বেক্কানি সম্ভব।”

ইয়েনত্তে তারা আর দ্বিজন নয়, মাত্তর্ এক্কানকিয়্যে। সেনত্তে গোজেনে যিয়েন্ এক সমারে মিজেয়্যে মানুচ্ সিয়েন ফারগ্ ন-গোরোক্।”

জোবত্ যীশু কলঅ, “তুমি কি ন-পড়অ, সৃট্টি গুরিয়্যেবো পত্তমে তারারে মরদ্ আর মিলে ইজেবে বানেয়্যে আর কোইয়্যেদে, ‘ইয়েনত্তে মানুচ্ মা-বাবরে ছাড়িনে তা মোগো সমারে এক্ ওইনে থেবাক্ আর তারা দ্বিজনর্ এক্কান্ কিয়্যে অবঅ’?

সেক্কে যীশু কলঅ, “চিগোন্ গুরোগুনোরে মইধু এবাত্তে দুয়ো, মানা ন-গোজ্য; কিয়া স্বর্গ-রেজ্যগান্ ইগুনো ধোক্ক্যেন্ মানুচ্চুনোত্যে।”

মাত্তর্ যিগুনে পত্তম সুরোত্ আগন্ তারা ভিদিরেত্তুন্ ভালোক্‌জনে বেগ যেরেদি পড়িবাক্, আর যিগুনে বেগ যেরেদি সুরোত্ আগন্ তারা ভিদিরেত্তুন্ ভালোক্‌জনে পত্তম্ অবাক্।

আর যে কেঅ মত্তে ঘর-বাড়ি, ভেই-বোন, মা-বাপ, পুয়ো-ঝি বা জাগা-জোবিন্ ছাড়ি দুয়োন্, তে সিয়েনির একশতগুন্ বেশ্ পেবঅ আর উমর জিংকানিয়ো দিয়্যে অবঅ।

যীশু তারে কলঅ, “যুনি তুই পুরোপুরি খাটি অবাত্তে চাজ্ সালে যেইনে তর্ বেক্ সোম্বোত্তিগানি বিজিনে নাঢা মানুচ্চুনোরে দান্ গর্। সেক্কে তুই স্বর্গত্ ধন পেবে। সে পরেদি এইনে মঅ শিচ্চ্য অগি।”

যীশু তারে কলঅ, “গম্ কি জিনিস সে পৌইদ্যেনে কিত্তে মরে পুযোর্ গরর্? গম্ বানা একজনে আঘে। যুনি তুই উমর জিংকানি পেবাত্তে চাজ্ সালে তার্ বেক্ উগুমানি পালা।”

মুই আরঅ কঙর্, থাগোইয়্যে মান্‌জ্যর্ পক্ষে গোজেন রেজ্যত্ সমানাত্তুন্ বরং সূচো কানাবোদি উটোর্ যানা উৎচ্য।”

মুই তমারে কঙর্, যে কনজনে বেভিচের দুষ্ বাদে অন্য কনঅ কারনে মোগোরে ছাড়ি দিইনে আরেক্ জনরে লয় তে বেভিচের্ গরে।”

সেক্কে যীশু তা শিচ্চ্যগুনোরে কলঅ, “মুই তমারে ঘেচ্চেকগুরি কঙর্, থাগোইয়্যে মান্‌জ্যর্ পক্ষে স্বর্গ-রেজ্যত্ সমানা আঘাত্যে অবঅ।