Popular Bible Verses from ইব্রীয় 10

Share

কনঅ কনঅ মান্‌জ্যর যেধোক্ক্যেন অভ্যেস্ আঘে তারা ধোক্ক্যেন আমি যেন তেম্মাঙত্ এক সমারে এগত্তর্ অনা বাদ্ ন-দিই, বরং খ্রীষ্টর্ এবার দিন্নো যেদক্ কায়কুরে এবঅ সেদক্ যেন আমি একজন আরেক জনরে আরঅ উচ্চোমি দেনাত্ থেই।

এজঅ, আমি একজন আরেকজন পৌইদ্যেনে চিন্তে গুরিই যেন আমি কোচ্‌পানা আর গম কাম গত্তে একজন আরেকজনরে উচ্চোমি দি পারিই।

বিশ্বেজি ইজেবে আমার যে আজা আঘে, এজঅ, আমি থির্ ওইনে তা কধানি স্বিগের্ গুরি থেই, কিয়া যিবে এগেম্ গোজ্জ্যে তে বিশ্বেজ্‌বলা।

তমাত্তুন্ থির্ থানা দরকার, যাতে গোজেনর্ আওজ্ মজিম কাম গরানার্ পরেদি গোজেনে যিয়েন দিবাত্যে এগেম্ গোজ্জ্যে সিয়েন তুমি পঅ

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

সেনত্যে তুমি সাহচ্‌ ন-আড়েইয়ো, কিয়া ইয়েনর পুরস্কারান ভারী মহৎ।

গোজেনর্ সত্যগানরে জানানার্ পরেদি যুনি আমি ইচ্চ্যে গুরিনে পাপ গরানাত্ থেই সালে পাপত্যে আমার আর্ কনঅ উৎসর্ব নেই; আঘেদে বানা বিচেরত্যে অমকদ দোরেইনে বাজ্জ্যেই থানা আর গোজেনর্ শত্রুগুনোরে ছেই গুরি ফেলানা ধোক্ক্যেন জ্বোল্‌‌জোল্ল্যে রাগ্।