Popular Bible Verses from Ghlɔɔmö a ‑nʋa 7

Share

Lagɔ a 'nglɩ nɩ 'ghlimanɩ. ‑Alowli Zezwii Kliisɩ, ɔ 'yize mɔɔ bhɛnɩɛ ɔ ‑kaa ‑mä ‑sɛ. Sɛ'ɛ n gbää nɩɩ, nanyɩgäsɛ, ɛ ‑kä a na 'yize a dɔ'wʋʋ, n yɩbhä a nyɩasɛ n 'kä Lagɔ 'a Gböö 'klʋkpamö zʋ, ‑maa 'na nɩkpɛglɩnɩsaa ma‑a kää 'nglɩ, 'n n zʋä 'kwädlɩ 'nyinylolii a 'mötɛɛnɔɔ 'klʋkpamö.

‑Mä 'na nɩkpɛglɩnɩsaa 'mö, 'saa nɛnɩɛ, wʋ'ʋä ‑mä ‑wʋ 'lɩlɩlɩ. Miɛ nɩɩ, 'saa nɛnɩɛɛ, wʋ nʋnʋtʋʋ ‑wʋʋ abhlɩ ‑tiamö dlɩ zɛmö, ‑maa n 'kʋa'a nʋ a dɔ'wʋ, n'n‑ä bhɛnɩ.

Sɛ'ɛ n gbää nɩɩ, 'saa nɛnɩɛ n yɩbhää n 'kä nʋʋ, mö n 'nɩɛ nʋ, ‑maa ‑lizokuu n'n‑ä 'yɩbhää, mö n nʋä.

‑Sɩbhä a za n gbää nɩɩ, 'saa n'n‑ä 'yɩbhä n ‑kʋʋ nʋʋ, nanyɩgäsɛ nanyɩ n'n‑ä ‑su, ‑maa 'nyinyloli a 'mötɛɛnɔɔ mʋʋ ‑sunɩɩɛ 'wlumö.

Zaa, ‑mä 'na zɩkpaa 'mö, 'saa nɛnɩɛ, n ‑kä n 'kʋ nʋ nʋʋ, ‑wʋʋä nɛnɩ 'mö n nʋä. 'Na sɛ n ‑wʋä ‑sɩbhä ma‑a da'a. 'Lɩlɩlɩ a dɔ'wʋ, Lagɔ 'a Gböö nɛnɩɩ dlɩ yɔwʋ

‑Maa, 'saa n'n‑ä 'yɩbhä 'mö n ‑kä nʋʋ, mɩɩ tulanɩɛ 'ylimö nɩɩ, Gböö, nɛnɩ yɩ nɛnɩɛ.