Popular Bible Verses from Ghlɔɔmö a ‑nʋa 3

Share

Miɛ nɩɩ, nɩkpaa 'wuë, 'nyinyloli wa nʋä. Zaa, Lagɔ 'a 'ghïlinɔɔ, wa 'naa 'kʋa'a 'ylɩmö. ‑Maa wa 'wuë, Lagɔ mɔɔ pää wa ngäzɩdlɩ, 'n ɔ yuëë 'fʋ 'mözlɔnɩwa 'wʋ 'zʋa. Zezwii Kliisɩ 'mö ɔ ghlɛnɩɛ 'mö 'n ɔ yuëë 'nyinylolii a galɛ 'mö ‑sɛ.

Miɛ nɩɩ, nɩkpaa ‑wa 'tɛɛnɩɛ Zezwii Kliisɩ a 'yize dlɩɩ, 'mö Lagɔ 'libhïä 'mözlɔnɩwa 'mö 'wʋ. Wɛlɩ 'la, nɩkpa 'wuë a ‑liɛ. Ɛ'ɛ ‑bhö nyɩasɛ, ‑maa Lagɔ a dɔ'wʋ nɩkpaa 'wuë ‑bhʋlʋ wa glɩnɩɛ.

Miɛ nɩɩ, Zezwii Kliisɩ 'mö Lagɔ ‑sɛɛ ‑lɛ ɔ 'kä nɩkpaa 'wuë a bʋbɔnɩlu 'zʋ. 'Ɔ dluu ‑wʋ kwliɛ a za. ‑Ɔ ‑kɩɩ ‑sɩbhä dlɩ 'tɛɛnɩɩ, Lagɔ yi 'ɔ 'nyinylolii a gbʋʋ 'yi 'tatinɩ. Zezwii 'a kwie 'la 'mö, ‑mä yɩ 'wlʋnɩɛ 'yli nɩɩ, Lagɔ ‑kpöö 'wʋ ɔ ‑wʋä 'kwädlɩ. Bhla'mö a dɔ'wʋ, dlɩ 'mö ɔ ‑kpaanɩɛ ‑këë, ɔ'ɔɔ nɩkpa 'wa 'nyinylolii a 'pɛna 'nyɛ. Lagɔ, 'mö ɔ zlɔnɩɛ zaa, ‑sɩkaa a dɔ'wʋ, nɩkpaa 'wuë ‑wa 'tɛɛnɩɛ Zezwii dlɩɩ, ɔ yɩbhä ɔ 'kʋä 'mözlɔnɩwa 'wʋ 'zʋa.

Ɛ'ɛ ‑bhö nyɩasɛ, ‑maa nɩkpɛ a ‑mɔɔ 'kää Lagɔ 'a Gböö 'klʋkpamö 'zʋ ‑këë, ɔ 'kä Lagɔ a 'yila 'klʋ a dɔ'wʋ 'mö zlɔmanɩɩ, ɔ'ɔɔ ‑bhölɩ 'lɩlɩlɩ. Zaa, Lagɔ 'a Gböö, nɩkpa yɩ dɩɛ 'yila 'n wa yɩbhlɩnɩɛ sɛ nɩɩ, 'nyinylolinʋwaa wa glɩnɩɛ.

Lagɔbɔgʋʋ 'mö, sɛ'ɛ yɩ cɛlɩɛ ‑mä nɩɩ: ‑Ɔ 'kää 'mö zlɔnɩ Lagɔ a 'yila 'klʋʋ, ɔ'ɔɔ ‑bhölɩ. ‑Bhlʋ a'bhë 'nɩɛ ‑bhölɩ. ‑Ɔ 'nɛɛ, ɔ'ɔɔ ‑bhölɩ ‑ɔ tɛlɩɛ sɛ ɔ 'kä Lagɔ yɩbhlɩnɩɩ, ɔ'ɔɔ ‑bhölɩ. 'Bhlɩbhëa 'wuë mʋa panɩɛ Lagɔ ‑gömö, wa 'wuë, ‑sɩbhä wa tʋʋ 'gämö. Wa gla'mö, 'saa zlɔnɩɛ 'mö, ‑ɔ 'kʋ nʋʋ, ɔ'ɔɔ ‑mä ‑wʋ ‑bhlʋ a'bhë 'nɩɛ ‑mä ‑wʋ.

Sɛ'ɛ n gbää nɩɩ: ‑A 'wuë, wɛlɩɩ ‑a 'kää ‑gänɩ, miɛ nɩɩ: Nɩkpɛ, 'ɔ sɛ ɔ zʋä Lagɔ 'a Gböö 'klʋkpamöö, mɩɩ 'naa 'kä 'nglɩ ‑kä 'lɩlɩlɩ ɔ 'kä 'mö zlɔmanɩ. ‑Maa ɔ ‑kä Zezwii dlɩ 'tɛɛnɩ cuu, yɩ 'yize, mɩɩ 'kää 'nglɩ ‑kä, ɔ 'kä 'mö zlɔmanɩ.

N'nn, ɔ 'naa 'kɩ nimï ‑sɛ 'lɩlɩlɩ. ‑Sɩbhä a dɔ'wʋ, nɩkpa yi sɛ yɩbhlɩmanɩ nɩɩ, wa 'wuë, yiowa wa glɩnɩɛ, ‑maa Lagɔ ɔbhlɩ, gbëaa a 'yize ɔ kää ngli. Nza yɩ cɛlɩɛ ‑mä Lagɔbɔgʋʋ 'mö nɩɩ: ‑Atʋ Lagɔ, nɩkpaa 'wuë, wa kä wa 'kä sɛ yɩbhlɩmanɩ nɩɩ, gbëaa a 'yize ‑n kää ngli, 'n nɩkpɛ ‑kamö 'kïbhë 'bɩwʋ kwää, ‑nmö 'kää zugwë ghlɩ.