Popular Bible Verses from Ghlɔɔmö a ‑nʋa 14

Share

'Pɩwʋ mää Lagɔ 'kämanɩɛ a wɛlɩɩ 'nɩ ‑bhö lile ‑nyɛ 'nɩmänɩmʋ 'sɔ a gbʋʋ. ‑Maa 'mözlɔnɩzlɔnɛ, 'tɩɩglɩglɛ 'n 'mäna 'Wugɔmʋʋ 'Wlɩlɩ nyɛɛ, yɩ wɛlɩɛ. ‑Li 'la a gbʋʋ mʋʋ ‑kä nɩkpɛ plɛnɩɩ, ɔ 'kä ‑sɩbhä Kliisɩ 'a libhoo nʋʋ, mɩɩ nɛnɩɛ Lagɔ dlɩ yɔwʋ, ‑sɩbhä yi'ɛ 'nglɩ ‑kä nɩkpa yi ɔ 'dɩ a dɩ ‑sɛ.

Ɛ'ɛ ‑bhö nyɩasɛ, ‑maa a‑a ‑kä ‑bhölɩ oo, ‑Alowli a za ‑a ‑bhölɩ. A‑a ‑kä 'ku oo, ‑Alowli a za ‑a 'kuä. A‑a ‑kä ‑bhölɩ oo, A‑a ‑kä 'ku oo, ‑Alowli a ‑nʋä ‑a glɩnɩɛ 'yize.

Zaa, sɛ ‑a 'kää 'zʋ ‑a 'kä ‑wanɩ, ‑a 'kä swɩ nyɛmʋ 'mö 'päpänɩ, nzɩɩ ‑a 'kä 'gämö 'yukusɛ möö, a‑a nɩ tɛlɩ ‑sɩbhä sɛ.

A‑a nɩ tɩ nuë 'wʋ kwäkwänɩ, ‑maa sɛ a 'kää 'zʋ, sɛɛ nɛnɩɛ, ‑sɩbhä ma‑a nɩɩ: ‑Lu ‑bhlʋ a'bhë ‑wʋ 'kää a lilagɔgänɩnyɔ 'nyinyloli 'mö sɛ bhlɩɩ, a nɩ tu nʋ 'lɩlɩlɩ.

‑Mä Lagɔbɔgʋʋ 'mö, sɛ'ɛ yɩ cɛlɩɛ ‑mä nɩɩ: ‑Alowli Lagɔ lɛ naa: ‑Amö Lagɔ, n ‑bhölɩ. Nɩkpaa 'wuë yi ‑lɛ na dlɩ 'mö ‑kokomïladigbï glu 'pä wa yi na 'nglɩ 'ghlimanɩ. Nza n gbää nɩɩ, Lagɔ, ɔ ‑yinyɩ bhʋlʋbhlʋ ‑a'a nʋnʋlii 'wʋ 'yɩbhänɩ.

Nɩkpɛɛ ‑ɔnyɩ dlɩ'wʋkänɔɔ 'nɩɛ ‑bhlɛ nyɔnʋʋ, a nɩ köbhɔ pɛɛpɛ. ‑Mi ɔ 'kää nʋ 'n ‑mi ɔ 'naa 'kää nʋ a dɔ'wʋ, a ‑nyɔɔ nɩ tɩ kpɛnɩ.

‑Na 'bhɩa Lagɔgänɩwa 'la, Lagɔ mɔɔ glɩnɩɛ wa 'bhidɩba. ‑Mɔ ‑n glɩnɩ bhä ‑naa zaa, n‑n 'kʋä bhä nuë 'wʋ kwä 'nɩ? 'Wa nɛmönɛmösaa yi 'mö zlɔnɩ oo, ‑sɩbhä 'nɩ 'mö zlɔnɩ oo, wa 'bhidɩba a 'yize 'mö yɩ yɩlɩɛ 'wʋ, ɛ'ɛ ‑bhö ‑na gbʋ. ‑Maa Lagɔ, 'mö ɔ tɛɛ zaa, ɔ yuë kwänɩ 'wa nɛmönɛmösaa yi 'mö zlɔmanɩ.