Popular Bible Verses from Ghlɔɔmö a ‑nʋa 13

Share

‑Maa zɩkpalelea a ghlɩɛ ‑mä ‑Alowli Zezwii Kliisɩ 'möö, sɛ wa päla'ɛ ‑bäna 'möö, a nɩ pälaa ‑sɩbhä 'mö. 'A ‑wʋwʋsɛzokwëa, sɛɛ ‑sɩbhä yɩbhää, a nɩ tɩ 'wʋ nglu ‑sɩbhä nɩ tanyɩ ‑su.

Tɩ nɩkpɛ a gɔgbʋ ‑kä. ‑Maa ‑na 'lilɛ a ‑wawʋ a 'yize mʋʋ nɩ glɩnɩ ‑na gɔgbʋ. Ɛ'ɛ ‑bhö nyɩasɛ, ‑maa ‑n ‑kä ‑tiamö ‑na 'lilɛ ‑waa, Lagɔ 'a Gböö 'wuë, ‑n kɩ da'a 'klʋkpamö zʋ 'wë.

‑Mɔ ‑n yi glɩnɩ ‑kë, ‑mɔ ‑n 'nɩ glɩnɩ ‑kë, ‑wa 'kämanɩɛ, ‑n kä ‑n 'kä 'wa 'kämanɔɔ 'klʋkpamö zʋ. Ɛ'ɛ ‑bhö nyɩasɛ, ‑maa 'kämanɔɔ 'wuë, ‑mä Lagɔ kä'mö ‑mä wʋ 'bhöönɩɛ. 'Kämanɔ a ‑mu ‑wʋʋä Lagɔ kä'mö 'bhöönɩɩ, wʋ'ʋä ‑bhölɩ.

'Tɛnyɩ ‑a ‑wʋä dɛ'ɛ 'möö, zlɩzɩdɔ'wʋ, 'mö n pälɛɛ 'wʋ, zlɩ yɛ zɩ 'wë. Zaa, ‑lizokuu ‑a nʋnɩɛ ‑mä 'yuylukwë 'möö, a‑a nɩ ‑sɩɩ kɛ'mö. Tʋgwɩnyɔ a sɛ, 'päpälii ‑yɩ glɩnɩɛ zlɩgä a ‑nɩɩ, 'mö ‑a nɩ 'libhï 'wʋ.

Nɩkpɛ a ‑mɔɔ ‑waa ‑tiamö ɔ 'lilɛɛ, ɔ'ɔ nɔ ‑lizoku 'wlu 'lɩlɩlɩ. ‑Sɩbhä a za n gbää nɩɩ, ‑n ‑kä ‑tiamö ‑na 'lilɛ ‑waa, 'saa Lagɔ 'a Gböö yɩbhää 'wuë, ‑n kʋ da'a nʋ 'wë.

‑Wa 'kämanɩɛ, sɛɛ Lagɔ 'yɩbhää ‑a nɩ 'zʋ wa dɔ'wʋʋ, ‑a nɩ 'zʋ ‑sɩbhä 'tɩɩ. Lapoo a kii 'wuë wa gbää 'pɛnuëë, 'pɛni. ‑Mɔ ‑n kää ‑n 'kä 'klʋkpamö zʋʋ, 'zo 'klʋkpamö, ‑mɔ ‑n kää ‑n 'kä ‑lɛ zʋʋ, 'zo ‑lɛ.