Popular Bible Verses from Lwiikö 4

Share

«Lagɔ 'a 'Wugɔmʋʋ ‑wʋʋ ‑gömö. Lagɔ mɔɔ ‑saaa ‑lɛ, n 'kä ngäzɩwa 'Mänatɩtɩ 'nyɛ. Mɔɔ tieaaa, n 'kä ‑jiewaa 'dɩ 'nyɛ nɩɩ, 'wa ‑jiea yi bhɩɛ, n ‑kä 'kukwlekäwa 'dɩ 'nyɛ nɩɩ, 'wa yilaa yi do, n 'kä'ɛ 'klɩyɩwa 'wa ‑gblɩwaa ngli ‑sɛ, n 'kʋä'ɛ 'dɩ 'nyɛ nɩɩ, 'Ylʋba ‑anyɩ 'mö ɔ 'kää wa ngäzɩdlɩ 'pää, a yi ghlɛ.»

Ɔ gbä'ɛɛ sa'aa, Zezwii lɛ naa: «Sɛ'ɛ yɩ cɛlɩɛ nɩɩ: ‑Na ‑lowli Lagɔ a 'yize a dlɩ 'mö, ‑lɛ ‑n kää ‑n 'kä ‑kokomïladigbï glu 'pä ‑n 'kɔ bʋbɔ. »

Ɔ gbää sa'aa, Zezwii lɛ naa: «Sɛ'ɛ yɩ cɛlɩɛ ‑mä Lagɔbɔgʋʋ 'mö nɩɩ: Lilea a 'yize ma‑a 'nɩɛ 'nglɩ ‑kä nɩkpɛ 'kä ‑bhölɩ. »

Zezwii, 'Wugɔmʋʋ 'Wlɩlɩ ‑wɔɔ ‑gömö tenyii, 'n ɔ yiɛ ‑mä Zludɛɛ yɔwʋ 'bhöö, 'n Lagɔ 'a 'Wugɔmʋʋ ‑nyɔɔ yiɛ ‑mä 'muse 'klʋ mö.

Ɔ gbä'ɛɛ sa'aa, Zezwii lɛ naa: «Sɛ'ɛ Lagɔwɛlɩɩ gbää nɩɩ: Tɩ ‑na ‑Lowli Lagɔ 'mö 'bɩa ɔ ‑käa bhɛnɩ a za.»

Sataa ghlɛnɩɛ sa'a kii 'wuë 'mö, ɔ'ɔɔ 'yio ghlɩɩ, 'n ɔ yoo ‑bhlɛ yɔwʋ 'bhöö, ɔ 'kä'ɛ 'tɛnyɩ ‑mɛmɛɛ 'mö ‑li 'mö yɛlaa yi.

'N Sataa ‑nyɔɔ yiɛ ‑gäga ‑bhlʋ 'wlu mö. 'N ɔ yoo ‑gba ‑bhʋlʋ ‑kpɔ 'mö mä'ä 'pɩwʋ a 'kämanɔ 'wuë 'ylimö tulanɩ. Ɔ lɛ naa: «Mä'ä 'pɩwʋ a ‑gwlɩ 'la 'wuë ‑amö wa 'nyɩɛ, zaa, ‑mɔ n ‑kä na a 'yɩbhä, n yonyɩ 'nyɛ. Zaa, ‑nmö ‑naa, n‑n ‑kä dɛ'ɛ na dlɩ 'mö ‑kokomïladigbï glu 'pä ‑n ‑kaa bʋbɔɔ, n ‑yimi 'nyɛ.» Ɔ gbä'ɛɛ sa'aa, Zezwii lɛ naa: «Sɛ'ɛ yɩ cɛlɩɛ nɩɩ: ‑Na ‑lowli Lagɔ a 'yize a dlɩ 'mö, ‑lɛ ‑n kää ‑n 'kä ‑kokomïladigbï glu 'pä ‑n 'kɔ bʋbɔ. »

Zezwii 'nyɔ'ɛɛ sa'a 'dɩɩ, 'n ɔ ‑nyɔɔ yia'aa ‑mä Zeluzalɛɛmö mö, ‑mä Lagɔbudu 'Kɔdʋʋ a ghäyɩ ghäyɩ, 'n ɔ ‑nyɔɔ yiɛ ‑mä mö. Ɔ lɛ naa: «N‑n ‑kä ‑tiamö Lagɔ a 'Yu glɩnɩɩ, 'bhöö mä'ä ghäyɩ 'wʋ, ‑n 'kä ‑nanyɩ zɛmö 'pä. Ɛ'ɛ ‑bhö nyɩasɛ, ‑maa sɛ'ɛ yɩ cɛlɩɛ ‑mä Lagɔbɔgʋʋ 'mö nɩɩ: Lagɔ yi 'ɔ zuzukuu 'dɩ 'nyɛ, yɩ ‑kamö 'wʋ ‑kʋ. Sɛ'ɛ yɩ cɛlɩ'ɛɛ ‑mä nɩɩ: Lagɔzuzukuu, yɩ ‑yimö ‑su, ‑n tɩa kpiyi a'bhë gozo.» Ɔ gbä'ɛɛ sa'aa, Zezwii lɛ naa: «Sɛ'ɛ Lagɔwɛlɩɩ gbää nɩɩ: Tɩ ‑na ‑Lowli Lagɔ 'mö 'bɩa ɔ ‑käa bhɛnɩ a za.»