Popular Bible Verses from Lwiikö 3

Share

Zaa Batisɩ yɛ a nɩkpa a ‑bɛ 'wlu wɔlʋ 'wë 'n Zezwii yoa'aa ‑mä ghlɩ, 'n ɔ yoo 'wlu wɔlʋmö. Zezwii ‑wʋ Lagɔ bhibhe dɔ'wʋ, ɔ lɛ zʋ a sɛ'ɛ, zlɩɩ yɛ nuë do. 'N 'Wugɔmʋʋ 'Wlɩlɩ yiɛ sɛ 'sibhë, ɔ 'kä ‑bhɩɛ ‑kpakʋ. 'N ɔ yiɛ Zezwii ‑gömö yi. 'N wɛlɩ yiɛ ‑mä zlɩ 'mö 'bhöönɩ, yɩ lɛ naa: «‑Nmö glɩnɩɛ 'na dlɩsɛkäyuu, ‑nmö ‑bhööä 'mäna 'wʋ.»

Sa'a a za ɔ 'nyʋää wa 'wuë 'dɩ nɩɩ: «Nɩkpɛ a ‑mɔɔ 'ghïliɛ tenyii ‑ɔ ziiiɛ 'wʋʋ, ɔ yi yi. N'n‑ä a'bhë 'ke ‑kä n 'kä 'ɔ 'siikplii ‑mä ɔ kplɩ 'mö ‑sɛ. ‑Amö na a, 'nyu a 'yize n wɔlʋnanyɩɛ 'wlu. ‑Maa ɔbhlɩ ɔ ‑kä yii, 'Wugɔmʋʋ 'Wlɩlɩ ‑nyɛ ‑kosu 'sɔ, 'mö ɔ 'kanyɩɛ 'mö 'wlu wɔlʋnɩ.

A nɩ tulanɩɛ yɩ ‑ka ‑mä 'a nʋnʋlii 'mö 'ylimö nɩɩ, a yɛ ligba a 'kä 'a ‑lizokuu kɛ'mö ‑sɛ. ‑Maa a nɩ tɩa dlɩ 'pä nɩɩ, Ablaamö a 'yuë a 'yuë a glɩnɩɛ zaa, ‑mi'la 'nanyɩɛ 'wʋ yɩlɩ. Sɛ'ɛ n nyanyɩɛ 'dɩ nɩɩ, kpɩ nɩ a yɩlɩɛ dɛ'ɛ 'wʋʋ, Lagɔ bhɛnɩ ɔ 'kɩ Ablaamö a 'yuë a 'yuë 'wʋ 'zʋa.

Swi 'wuë ‑yɩɩ tlʋä 'bhï a bhïï, glu wa 'kɩɛ 'klɛnɩ, wa 'kɩ sia. Sɛ'ɛ n gbää nɩɩ, 'gbïpëa wa 'kɩɛ 'klɛnɩɩ, wa ka suu glɛ 'wë.»

Lagɔ a 'möbhïlanɩnyɔ Ezayii, sɛ'ɛ ɔ 'cɛlɩ a‑a Zaa a dɛ ‑mä 'ɔ Lagɔbɔgʋʋ 'mö nɩɩ: Nɩkpɛ ‑bhlʋ ‑wʋ ‑mä 'muse 'klʋ ɔ pä wɛlɩ, sɛ'ɛ ɔ nʋä nɩɩ: A nɩ gïganɩ 'ywii 'wuë 'wlu. A nɩ zlɔmanii 'mö, ‑maa ‑Alowli Lagɔ ‑wʋ yi dɔ'wʋ. ‑Gbazwlɩɩ 'wuë, yɩ yi kɔlɔ. ‑Gägö 'kädɩɩ ‑nyɛ 'tikïyiea 'sɔ, yɩ yi cɩɔnɩ, 'yio 'kä 'wʋ mlɩmanɩ. 'Ywii a sɛɛ cɩcɛcɩcɛnɩɛ 'möö, ‑sɩbhä yi 'mö zlɔmanɩ. 'Ywii ‑yɩ kää 'bhʋkʋbhʋkʋbhʋkʋ 'wʋʋ, yɩ yi 'wʋ 'mlɩmanɔɔ. ‑Lɛ a dɔ'wʋ, sɛɛ Lagɔ yiɛ ɔ ‑kanyɩ puëë, 'bhlɩbhë 'wuë yi ‑sɩbhä 'ylɩmö.