Popular Bible Verses from Revelation 7

Share

Eftir this I lookit, and see! an unco number, that nae man could tell, oot oʼ aʼ nations and kith, and folk, and speech, stude afore the Thron, and fornent the Lamb, dinkʼt in white, wiʼ palms iʼ their hauns.

And cryʼt oot heigh, “Salvation to oor God, wha sits on the Thron, and to the Lamb!”

“For the Lamb frae the mids oʼ the Throne sal herd them, and sal airt them to the watirs oʼ the waal‐ee oʼ Life; and God sal dicht awaʼ ilka tear frae their eʼen!”

“Sae are they iʼ the presence oʼ the Thron oʼ God, and serʼ him day and nicht in his Temple: and the Ane that sits on the Thron sal unfauld his tent ower him. “And they sal hunger nae mair, and gang drouthie nae mair; nor sal the sun smite them, nor ony heat‐blast.

Sayin, “Ye maunna skaith the yirth, nor the sea, nor the trees, to we hae sealʼt the servants oʼ oor God on their broos.” And I heard the number oʼ thae sealʼt: a hunner and forty‐fowr thoosand; sealʼt oot oʼ every tribe oʼ the sons oʼ Israʼl.