Popular Bible Verses from Colossians 2

Share

In sic way as ye received Christ Jesus the Lord, in him be walkin! Bein firm‐rutit and up‐biggit in him, and bein made siccar iʼ the faith, conform till yere teachin; aboundin in thanksgivin.

But tak ye tent, least some ane may be makin booty oʼ ye, throwe philosophy and vanities oʼ deceit, conform to menʼs instruction, conform to the warldʼs elements, and no conform to Christ.

And you, deid iʼ the sins and uncircumceesion oʼ yere flesh, he has made to leeve again wiʼ him; oot oʼ love forgiean us aʼ offences. Blottin oot the haun‐write again us, in ordinances, that was contrar to us; and took it awa, nailin it to his cross!

For in him dwalls aʼ the abundance oʼ the Godheid in form‐oʼ‐body. And ye are made fuʼ in him, wha is the heid oʼ aʼ principalitie and authoritie

Lat nane, than, be condemnin ye anent eatin or drinkin, or in regaird oʼ a feast, or a new‐mune, or the Sabbaths; That are a “shadow” oʼ comin things; but the “body” is Christ.