Popular Bible Verses from 1 Peter 2

Share

But ye are “a waled‐oot race, priests oʼ royalty, a holie people”; a folk for his ain possession, that ye may tell oot the glories oʼ him wha bade ye oot oʼ darkness to come into his wunnerfuʼ licht.

Wha his ain sel bure oor sins in his ain body tae the tree; sae that we, haein deeʼt to sin, micht leeve to holiness: “by whase clours ye war healed.” For ye war like sheep, forwanderin; but are noo came hame to the Shepherd and Guide oʼ yere sauls.

Wha at ae time war “nae‐nation,” but are noo a “Godʼs nation”; wha hadna been haein mercy, but hae obteened mercy e‐noo.

As bairns new‐born, be ye fain to crave the aefauld milk oʼ reason, that sae ye may grow intil salvation

Beloved, I entreat ye, as lodgers and pilgrims, keep ye frae carnal desires, sic as tak‐the‐field again the saul: Conductin yersels wiʼ honor amang the Gentiles; sae that whan they speak again ye as ill‐doers, they may, seein yere gude warks, glorify God in the day oʼ his comin amang them.

Ye yersels, as leevin stanes, are biggit intil a spiritual hoose, to be holie priests, to offer up spiritual sacrifeeces, weel‐pleasin tae God, throwe Jesus Christ.

Sae, pittin by aʼ malice, and aʼ twafauldness, and aʼ pretence, and aʼ miscaʼin

To wham comin — a leevin stane, by men cuisten aside, but waled‐oot by God, and hauden in honor

As free, and yet no haudin yere freedom for a cloak oʼ malice; but as servants oʼ God.

For sae is Godʼs wull, that wiʼ weel‐doin ye soud pit to silence the ignorance oʼ glaikit men