Popular Bible Verses from 1 Peter 1

Share

Blessʼt be the God and Faither oʼ oor Lord Jesus Christ, wha, conform to his great mercy, has regeneratit us intil a leevin hope, throwe Jesus Christʼs Risin‐again, frae ʼmang the deid, To a heritage uncorrupt, and pure, and unfadin, keepit iʼ the heevens for you

In whilk ye rejoice; thoʼ for a wee, e‐noo, gin need be, ye are made wae wiʼ a hantle oʼ trials, In order that the testin oʼ yere faith (muckle mair precious than oʼ gowd that perishes!), eʼen thoʼ throwe fire it is testit, soud be to praise, and glorie, and honor, whan revealʼt by Jesus Christ.

But eʼen as he wha bade ye is holie, do ye yersels be holie in aʼ mainner oʼ leevin; Inasmuckle as it is putten‐doon, “Holie sal ye be, for I am holie!”

As bairns oʼ obedience, no conformin yersels to the auld desires iʼ yere ignorance

Sae, girdin up the loins oʼ yere endeavour, keepin douce, zealously airt ye yere hope to the lovin‐favor to be brocht to ye, at oor clear vision oʼ Jesus Christ.

Forasmuckle as “aʼ flesh is gerss, and aʼ its glorie as the blume oʼ gerss: the gerss birsles‐up, and the flourishin oʼt faʼs awa: “But the sayin oʼ the Lord bides for aye!” And this is the message that by the Glad‐tidins is deliverʼt tʼye.