Popular Bible Verses from Abharuumi 8

Share

Ntweche kubha, mo‑ghoose Eryobha ndehaabhakörëra amachömu abhaato bhoose bhano bharesiighiri, bhano rebhabherekiire kurëngʼaana na amënda ghaache.

Nyeeche kwo bhuhëënë kubha ghetaanyi‑ho egheghiro kino gheghotora ghotutaani no obhosiighi bho Ryobha ghokwito. Taanyi oroko hamu obhuhöru, taanyi bhamarayika hamu bhano bhaanyi na changuru Mwishaaro. Koru amangʼana ghano ghakorwera kwi ibheere hamu mo‑riibhagha rino rekuucha, taanyi kwo bhano bhaanyi no obhotoro, hamu ghyokyose kino keenyi Mwishaaro hamu nyaari hamu ebhetyenyi bhe changuru, bhetaaghotora ghotutaani no obhosiighi bho Ryobha bhuno bhoonyi bho miishe ghyose. Obhosiighi bhuyo mbohunywiru ghokwito gho kohetera Kirisito Yesu, Omutëmi wiito.

Haghirohamu na ghayo, Akörö Ahörëëru niyo eghotusakeri mo‑bhutöbhu bhwito. Itu toteeche korisabha Eryobha kebhuno ekwëndëru, amare Akörö Ahörëëru ayeene niyo eghotusabhera kwo Ryobha kwo riiraka re macheeche ghano ghataaghotora ghughambu.

Mbe, tobhughe ke ibheere ighoro e mangʼana ghayo? Aribha Eryobha reenyi eribhaara riito, n‑niwe uno aghotora ghotokinda?

Mbe, ibheere Eryobha retaakobharööna abhaato bhano bhaghöötiine na Kirisito Yesu.

Abhaato bhano amiihëëbhö ghaabho ghaghukangatu na simoka yaabho e masari, mbakubhöna oroko ro miishe ghyose. Amare abhaato bhano amiihëëbhö ghaabho ghahaakangatu na Akörö Ahörëëru, mbakubhöna obhuhöru no omurëmbë.

Amare nangabha ghayo ghoose ghaghotubhöna, itu ntokeere toonyi no obhokindi bhokoro, gho kubha Kirisito natosiighiri.

Anyaako yiito e riibhagha rino ri ibheere, eni nekorighi kubha taanyi egheghiro, nerayirëngʼaani no obhokumi obhokoro bhuno Eryobha rekuucha kwërëki ghokwito kwo riibhagha rino rekuucha.

N‑egheghiro ke kino gheghotora ghotutaani no obhosiighi bho Kirisito? Ghetaanyi‑ho! Koru nangabha toonyi mo‑nyaako inkoro, hamu amacheeche, na ntonganyaakibhu, hamu ntongatëmu na anchëra, ntongasuuheru amaghööti, na ntongatingʼi kobhori obhuhöru, hamu ghwitu, Kirisito nakwëndërëra ghotosiigha.

Eryobha niryo rehiisuncha ghoose ghano ghaanyi mo‑metema ghiito, niryo ryeche amiihëëbhö gha Körö Ahörëëru, gho kubha Akörö iyo nekobhasabhera abhatööbhiyu bha Ryobha kinya bhuno Eryobha resiighiri.

Bhoose bhano bhaghukangatu na Akörö e Ryobha, bhayo nibho abhaana bha Ryobha.

Abhaato bhano bhaghukangatu na simoka yaabho e masari, obhongo bhoobho mbosiighiri ghuköra amasari. Amare bhano bhaghukangatu na Akörö Ahörëëru, obhongo bhoobho mbosiighiri ghuköra amaköri ghano ghakoyetegheri Akörö Ahörëëru.

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

Akörö iyo ayeene nekuhëënëhi mo‑metema ghiito kubha, itu n‑abhaana bha Ryobha toonyi. Mbe, aribha itu n‑abhaana bha Ryobha toonyi, ntubheere abhaghabhi bhaache. Ntoghosongʼaana aghabho yiito haghirohamu na Kirisito. Amare kino ghekwëndëru ghokwito ibheere n‑kubha, tusange anyaako haghirohamu na Kirisito, kubha na niitu tusange haghirohamu nawe mo‑bhokumi bhooche obhokoro.

Abhaato bhano bhaghukangatu na simoka yaabho e masari, bhayo n‑abhabhisa bha Ryobha. Bhataaghughööta emeghiro gheeche, bhataaghotora ghoghighööta.

Ebheghiro bhyose bhino ꞉bhiitëëmuru, mbeghughanya kwo miigha chwee eriibhagha rino Eryobha rekuucha kwërëkani abhaana bhaache.

Ntweche kubha, mbagha ibheere, ebheghiro bhyose bhino ꞉bhiitëëmuru mbekubhabhara kwo bhororo, kinya obhosongo bho mukari uno akwibhora.