Popular Bible Verses from SALM 18

Share

BAWIPA cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

Hi Pathian hi, zeitluk in dah a tuahmi kha a tlin i zeitluk in dah a bia kha i bochan awk an si! A huhphenhnak a kawlmi hna caah cun phaw bantuk a si.

BAWIPA cu ka auh i ka ral hna kut chungin a ka khamh. BAWIPA cu thangṭhat ko u.

Ka harnak chungin BAWIPA cu ka auh; bawmhnak hal in ka Pathian cu ka auh. A biakinn chungin ka aw kha a theih, bawmhnak ka halnak ka aw cu a hna a phan.

BAWIPA nih ceunak a ka pek, ka Pathian nih muihnak cu a ka dawipiak.

Amah hi a kan ṭhawntertu Pathian cu a si, kan kalnak lam a himtertu cu a si.

BAWIPA cu a nungmi Pathian a si, ka khamhnak lungpi cu thangṭhat ko u! Pathian cu ka khamhtu a si, a lianhngannak kha thanh tuah u!