Popular Bible Verses from PHUNGTHLUKBIA 22

Share

A zulh awk a simi lam kha ngakchia cu cawnpiak law, a upat tikah mah cucu a pialtak ti lai lo.

BAWIPA kha ṭih, mi toiah i dor law rumnak le upatnak le nunsaunak kha na hmuh lai.

Min ṭhat maw chawva tampi dah naa thim lai, ti na si ahcun, min ṭhat kha vaa thim deuh.

Thinhun a hmang lengmangmi cu va kom hlah, thin tawimi zong va kom hlah

Siannak lungthin a ngeimi cu thlua a chuak lai, zeicahtiah a rawl kha sifakmi a hrawm hna.

Mifim nih cun harnak a rat kha a hmuh tikah hrial khawhnak aa zuam, sihmanhsehlaw mihrut nih cun a pahchih thluahmah ko i a hnuah aa ngaichih.

Mirum nih misifak kha an uk hna, cawitu cu coihtu sal a si.

Mirum le misifak hna cu an i dang lo zeicahtiah BAWIPA sermi cio an si.

Sifakmi cu sifak an si ruangah zeitikhmanh ah va ramh hna hlah, Retheimi zong zung chungah va hrial hlah. Zeicahtiah annih cu BAWIPA nih a dirpi hna lai i anmah an nunnak ca i a simi an thilri a lakpiaktu hna kha an thilri a chuh ve hna lai.