Popular Bible Verses from PHUNGTHLUKBIA 16

Share

Na tuahmi vialte cu BAWIPA sinah pe law Na khuakhannak cu a tling kho lai.

Minung nih hin a khualtlawnnak ding khua kha a khan, sihmanhsehlaw a kephau a hruaitu cu BAWIPA a si.

Biathlum cu khuaihliti bantuk a si, nunnak caah a thlum i pum caah damnak a si.

Minung nih khua cu an khan ko lai, sihmanhsehlaw a donghnak bia a ngeitu cu Pathian a si.

Thinhun leiah a khul a nuarmi cu thazang a ṭhawngmi nakin a ṭha deuh. A lungthin aa uk khomi cu khuapi a latu nakin a ṭha deuh.

Porhlawtnak nih hin rawknak ah mi a kalpi tawn i uanthlarnak lungthin nih hin tluknak ah a hruai tawn hna.

Na tuahmi cu a ṭha dih in na ruah ko lai, sihmanhsehlaw BAWIPA nih naa tinhnak na lungthin cu a hngalh dih.

An in cawnpiakmi kha ṭha tein ruat law khuaawng na tong lai, BAWIPA kha i bochan law na lung aa lawm lai.

Dinlonak in hmuhmi thil tampi nakcun dinnak in hmuhmi tlawmte a ṭha deuh.

Na ruahnak i lam ding a si na timi kha thihnak lei kalpitu lam a si ko hnga.

Mi lungthin ṭhalo nih rem lonak kha an karhter i Mi dupdap nih hawikom ṭha kha an ṭhen hna.