Popular Bible Verses from ISAIAH 60

Share

Tho tuah, Jerusalem, ni bantukin tlang tuah; BAWIPA sunparnak cu na cungah a tlang!

Miphun tanpi nih na ceunak cu an fuh lai i na ni thar a chuakmi cu siangpahrang nih an fuh lai.

Miphun dang cu muihnak nih a huh hna lai, sihmanhsehlaw nang cungah cun BAWIPA ceunak cu a ceu lai; a sunparnak lianhngannak cu na sinah a um lai.

Nan innchungkhar hna lak i a hme bik le santlailo bik hna hmanh kha a ṭhawngmi miphun tluk ah an i cang lai. Amah le a caan te ah hi thil cu khulrang in ka umter lai. Keimah cu BAWIPA ka si,” a ti.

“Chun ah ni cu na ceunak a si ti lai lo i zan ah thlapa cu na ceunak a si ti lai lo. BAWIPA cu zungzal in na ceunak ka si cang lai i ka sunparnak ceunak cu na cungah a tlang lai.

Na ngaihchiat ni cu a dong lai. BAWIPA cu zungzal in na caah ceunak ka si lai, nika le thlapa nakin a hmun deuhmi ceunak ka si lai.

Mah hihi na hmuh lai i lunglawmhnak in na khat lai, naa lawmh tuk ah a ther in na ther lai. Miphun hna nih an rumnak cu na sinah an rak put lai i naa lawmh tuk ah a ther in na ther lai. Miphun hna nih an rumnak cu na sinah an rak put lai i rili bangin an chawva cu a ra lai.

I mer law na pawngkam ah khan zeidah a um ti kha zoh tuah. Na mi cu inn i tlun awkah an i pum. Na fapa hna cu lamhla piin an ra lai i na fanu hna cu ngakchia bangin puak cungin an ra lai.

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

Puarṭhawnnak thawng kha theih a si ti lai lo, rawhnak nih na ram cu a hnin ti lai lo. Vampang nih khua a ven bangin kan ven lai i kan huhphenh lai; nangmah cu kan khamh caah na ka thangṭhat lai.

Miphun dang siangpahrang hna nih an chaw le an va cu an ratpi khawh nakhnga, chunzan in na kutka cu i hung zungzal ko hna seh.

Kalauk bu ngan ngan cu an ra lai, Midian le Efah in an ra lai. Sheba in an ra lai i sui le zihmui kha an rak phorh hna lai. Pathian nih a tuahmi thil kong thawng ṭha kha mi nih an chim lai.

BAWIPA nih Jerusalem cu a thawh i, “Ramdangmi nih na vampang kha an remh lai i an siangpahrang nih na rian an ṭuan lai. Ka thinhun in dan kan tat, sihmanhsehlaw atu cu kan dawtnak le kan zaangfahnak kha na cungah ka langhter lai.

“Hlawt na si ti lai lo i huat na si ti lai lo. Ṭiaotakmi khua, khua rop na si ti lai lo. Khua lianngan le khua dawh ah kan ser lai i. zungzal in zungzal tiang lawmhnak hmun ah kan ser lai.

Nu nih a fa kha a zohkhenh bantukin, miphun hna le siangpahrang hna nih khan an in zohkhenh lai. BAWIPA nih kan khamh kha na hngalh lai, Israel Pathian ṭhawng nih kan luatter kha na hngalh lai.