Popular Bible Verses from ISAIAH 48

Share

Israel Pathian thiang, nanmah an khamhtu hna BAWIPA, nih, “Keimah cu BAWIPA nan Pathian, nan ca ṭhatnak cawnpiak an duhtu hna le nan zulh awk hnga lam an hmuhsaktu hna ka si. “Ka nawlbia kha rak ngai u law, ti ka hei duh dah! Thluachuahnak cu nan caah, zeitikhmanh i a reu bal lomi tiva bantukin, a luan in a luang zungzal ko hnga! Ti kam a deng lengmangtu tilet bantukin teinak cu nan sinah a phan ko hnga!

Ngun cu somei chungah hneksak a si bangin temhinnak mei chungah khan kan hneksak hna. Asinain santlailo nan rak si.

Thil ka tuahmi hi keimah ca lawnglawng ah a si ko, ka min kha chiatter ka duh lo, cun keimah ta lawnglawng a simi sunparnak kha midang he i hrawm zong ka duh fawn lo,” a ti.

BAWIPA nih, “Misual mi hna caah cun himnak a um lo,” a ti.