Popular Bible Verses from ISAIAH 43

Share

Thil thar ka tuah ding tu kha i ngiat u. Cucu atu ah hin a um lio cang, a hmuh hmanh nan hmuh khawh ko lai. Ramcar chungin lam pakhat ka kalter lai i cuka ah cun tiva luang kan pek hna lai.

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

Sihmanhsehlaw BAWIPA nih cun, “A um ciami mi thil kha i tlaih peng hlah u, hlanpi i a rak um cangmi lawng kha tuak peng hlah u.

Israel, nangmah an sertu BAWIPA nih hitihin a ti: “Na thinphang hlah, kan huhphenh lai. Nangmah cu na min in kan auh, keimah ta na si.

Na nunnak khamh awkah miphun pipi zong kha ka hlawt ko hna lai, zeicahtiah nangmah cu ka caah a sungmi na si i upatnak kan pek i kan dawtmi na si.

Zeicahtiah keimah cu BAWIPA na Pathian ka si, nangmah an khamhtu Israel Pathian thiang cu ka si. Nangmah luatternak ding caah Izipt cu ka hlawt lai i Ethiopia le Seba zong ka hlawt ko hna lai.

Na thinphang hlah — na sinah ka um ko. A hlatmi nichuahlei ram le a hlat bik nitlaklei ram in, na mi cu inn ah ka tlunpi hna lai.

“Asinain nan sualnak an hnawhpiaktu hna cu keimah ka si, keimah cu keimah ka si ruangah hi bantukin ka tuah cu a si; nan sualnak cu kan cinkenpiak hna lai lo.

“Israel mi hna, ka tehte cu nanmah hi nan si, tiah BAWIPA nih a ti; ka sal si awkah ka thimmi cu nanmah hi nan si, cucaah cun nan ka hngalh i nan ka zumh awk a si, keimah lawnglawng hi Pathian cu ka si ti kha nan hngalh awk a si. Keimah hleiah pathian dang zeihmanh an um lo, an rak um bal lo i hmailei zongah an um bal lai lo.

Keimah lawnglawng hi BAWIPA cu ka si, keimah lawnglawng hi nanmah an khamh khotu hna cu ka si.

Keimah hi Pathian cu ka si i ka si zungzal ko lai. Ahohmanh ka ṭhawnnak chungin a luat khomi an um lai lo; ka tuahmi kha ahohmanh nih an thleng kho lai lo,” a ti.

Ka thimmi ka mi hna ti pek awk caah ramcar chung i tiva ka luanter hna tikah cun, ramlak saram hmanh nih khan an ka upat lai, ram-ui le ostrik va hmanh nih khan an ka upat lai. Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

Chaklei ram cu, thlah hna u, ka ti hna lai i thlanglei ram cu, tlai hna hlah u, ka ti hna lai. Ram hla pipi in ka mi cu kir hna seh law, vawlei cung khuazakip in kir hna seh. Annih cu keimah mi an si i keimah sunparnak petu dingah ka sermi an si,” a ti.

Hlanpi ah hin BAWIPA nih rili tan in lam pakhat a rak ser i cu lam cu tilet chungin a kal. A ṭhawngmi ralkapbu kha a hrawh hna, rangleng le raltuknak rangtum kha ti chungah a paih hna. An pil dih, zeitikhmanh ah an chuak ṭhan ti lo, meifar mih bantukin an mit.

Keimah BAWIPA cu nan Pathian thiang ka si, Israel, nangmah Sertu cu keimah ka si i na siangpahrang cu keimah hi ka si,” a ti.