Popular Bible Verses from EZEKIEL 34

Share

A tlaumi kha ka kawl hna lai, a pialmi kha ka kirpi ṭhan hna lai, hma a ingmi kha ka thlop hna lai, a zawmi kha thazang ka pek hna lai, asinain a thaumi le a ṭhawngmi kha ka hrawh hna lai. Zeicahtiah kei cu dinnak a tuahtu tuukhal ka si.

Tuukhal nih a pawngah a tuu an i ṭhek tikah anmah kawl awkah a kal bangin, ka tuu hna kawl awkah ka kal lai i khuachiat le khuadawm ni zongah siseh, khuazeihmanh ah i ṭhek hna ai kun, an i ṭheknak hmun paoh khan ka chuahpi hna lai.

Zeicahtiah hihi Bawipa PATHIAN bia cu an si: Atu cu keimah hrimhrim nih ka tuu kha ka zohkhenh cang hna lai i ka kawl cang hna lai.

Keimah hrimhrim nih ka tuurun cu ka zulh ka khalh hna lai i keimah hrimhrim nih an kawm ah ka khumh hna lai, tiah Bawipa PATHIAN nih a ti.

Nannih cu ka tuurun, ka mi, ka cawmmi ka saṭil nan si i keimah cu nan Pathian ka si, tiah Bawipa PATHIAN nih a ti.

A ka thawh i, “Mipa, Israel mi tuukhal hna cu chim hna. Thawh hna law, Nannih tuukhal hna, hihi BAWIPA bia an si, ti hna: Anmah zawn lawng aa ruatmi Israel mi tuukhal hna hi ka hei hua hna dah! Tuukhal nih hin tuu kha an zawn ruah awk a si hnga lo maw?