Popular Bible Verses from EZEKIEL 18

Share

Zeicahdah nan thih lai ee, Israel mi hna? Ahohmanh nan thih cu ka duh ṭung lo, tiah Bawipa PATHIAN hrimhrim nih a ti,” tiah a ti.

A thi ding cu midang si loin a sualmi kha a si lai; a fa nih a pa sualnak kha aa hrawm lai lo, a pa zong nih a fapa sualnak kha aa hrawm lai lo. Miding mi nih a dinnak theitlai kha a hmuh lai i miṭhalo nih a ṭhat lonak theitlai kha a zun ve ko lai.

Thil ṭhalo nan tuahmi kha hlonh hna u law lungthin thar le thlarau thar i lak u.

Miṭhalo mi thih cu maw ka duh? A ziaza kha aa remh i a nun kha ka duhmi a si deuh lo maw? tiah Bawipa PATHIAN nih a ti.

“Cun miṭhalopa nih a ṭhat lonak vialte kha a hlawt hna hnga i ka nawlbia vialte kha a tuah hna hnga i a dingmi le a hmaanmi thil kha a tuah ko hna hnga. Cu pa cu a nung lai; a thi lai lo.

Dinlonak kha a hrial i pakhat le pakhat karlak ah aa buaktlak tein a um. Ka nawlbia kha a zulh hna i ka phungbia kha fel tein a tuah hna. Cu bantuk mi cu miding an si: amah cu a nung lai, tiah Bawipa PATHIAN nih a ti.