Popular Bible Verses from ගීතාවලිය 25

Share

ඔබගේ සත්‍යතාවයෙහි මට මඟපෙන්වුව මැන; මට ඉගැන්වුව මැනව; මන්ද, මගේ ගැලවුම්කාර දෙවියන්වහන්සේ ඔබ ය. දවස මුළුල්ලේ මගේ බලාපොරොත්තුව ඔබ තුළ ය.

ඔබේ මාර්ග මට පෙන්වුව මැන, අහෝ ස්වාමින්වහන්ස, ඔබේ මාවත් මට ඉගැන්වුව මැනව.

ස්වාමින්වහන්සේට භය පක්ෂපාත අයට උන්වහන්සේ විශ්වාසී ව, තම රහස් පවසන සේක; උන්වහන්සේ තම ගිවිසුම ඔවුන්ට දැනගන්නට සලසන සේක.

මගේ යොවුන් වියේ පාප ද මගේ කැරලිකාරී මාර්ග ද සිහි නො කළ මැනව; ඔබගේ නොමියෙන ප්‍රේමයට අනුකූලව ම මා සිහි කළ මැනව; මන්ද, ඔබවහන්සේ යහපත් ය, අහෝ ස්වාමින්වහන්ස.

ඔබ තුළ බලාපොරොත්තු තබන කිසිවකු කිසි දින ලජ්ජාවට පත් නො වේ; එහෙත්, අහේතුක ව ද්‍රෝහිවන්නෝ ලජ්ජාවට පත් වෙති.