Popular Bible Verses from එසකියෙල් 18

Share

මන්ද කිසිවකුගේ මරණය ගැන මම සතුටු නො වෙමියි පරමාධිපති ස්වාමින්වහන්සේ පවසන සේක. එබැවින් පසුතැවිලි වී, ජීවත් වන්න!

පව් කරන ජීවය මියෙන්නේ ය. පියාගේ අයුතුකමට පුතාට දඬුවම් නො දේ. පුතාගේ අයුතුකමට පියාට දඬුවම් නො දේ. දමිටු මිනිසාට, ඔහුගේ දමිටුකම අනුව ඉටු විපාක දෙනු ලැබේ; දුෂ්ට මිනිසාට, දුෂ්ටකමට අනුව අනිටු විපාක දෙනු ලැබේ.

නුඹලා කළ පාප අපරාධ සියල්ල පහ කර දමා, අලුත් හදවතක් හා අලුත් ආත්මයක් ලබා ගන්න. එම්බා ඉශ්‍රායෙල් වංශය, නුඹලා මැරී යන්නේ කුමට ද?

දුෂ්ටයින්ගේ මරණයේදී මම සතුටුවන්නෙම් දැ? යි පරමාධිපති ස්වාමින්වහන්සේ ප්‍රකාශ කරන සේක. එසේ නො ව, ඔවුන් තමන්ගේ මාර්ගවලින් ඉවත හැරී, ජීවත් වන කල මම සතුටු නො වෙම් ද?

“එහෙත් දුෂ්ට කෙනකු තමන් කළ සියලු පව්වලින් ඉවත හැරී, මගේ නියමයන් සියල්ල රක්ෂා කරන්නේ නම් හා යුක්තියත් සාධාරණයත් කරන්නේ නම්, ඔහු සැබවින් ම ජීවත් වෙයි. ඔහු මියෙන්නේ නැත.

ඔහු මගේ නියෝග පිළිපදියි. මගේ නියමයන්, විශ්වාසවන්ත ව පවත්වයි. ඔහු ධර්මිෂ්ඨයෙකි. සැබවින් ම ඔහු ජීවත් වේ යැයි පරමාධිපති ස්වාමින්වහන්සේ ප්‍රකාශ කරන සේක.