Popular Bible Verses from Itanguriro 27

Share

Imana iguhe ku kime co mw’ijuru no ku butunzi bwo mw’isi, umusesekara w’ingano n’umuvinyu! Amahanga aze agukorere n’amoko aze yuname imbere yawe. Uze uganze abavukanyi bawe, abana ba nyoko baze buname imbere yawe. Abazokuvuma baze bavumwe, kandi abazoguhezagira baze bahezagirwe.”

Esawu aravuga ati: “Ubu bugize kabiri anyiba. Ntibitanganje izina ryiwe ni Yakobo nyene, umubeshi. Yanyivye kuba samuragwa kwanje, none raba ubu na ho anyivye n’umuhezagiro wanje. Ariko nta muhezagiro n’umwe wansigarije?”

Se Isaka aramubwira ati: “Uzoba kure y’ubutunzi bwo mw’isi, kure y’ikime co mw’ijuru. Uzobeshwaho n’inkota kandi uzokorera murumunawe. Ariko niwiganzura, uzokwikurako agacinyizo kiwe kw’izosi ryawe.”

Esawu abaza se ati: “None ga data ufise umuhezagiro umwe gusa? Mpezagira nanje, data!” Nuko Esawu araturika ararira.