Popular Bible Verses from Isaiah 42

Share

“TOPA, keima in, leitung ah thukhaikimin a kiseam ziam ci thu en tu in, nangma kong sam a, vaangletna kong pia zo hi. Nangma tungtawnin mite theampo taw thuciamna khat ka vawt tu hi; nangma tungtawnin minamte tungah khuavak ka pia tu hi. Nangma in mittawte ii mitte na hong tu a, thongzing sungah a tote na suatak tu hi.

“Keima bekma TOPA na Pathian ka hi hi. Pathian dang khat tungah ka vaangletna kihawm ngawl tu hi; kei hong kipoknate sia milimte ka hawm buatu hi.

TOPA in, “A tha ka hatsak ka naseampa sia hi sungah om hi — ama sia ka teal pa hi a, ka lungkim hi. Ka thaa taw ama ka dimh zo a, minam theampo tungah thumaanna puak tu hi.

Ama in pumpa kung koai khat thiaktan ngawlin, lalciin meitaang phe valep sia mitsak ngawl tu hi. Ama in mihing theampo tungah a kip thukhaikim thengsak tu hi. Ama in lametna bo ngawlin thin kiam ngawl tu hi; leitung ah thukhaikimna piangsak tu hi. A khuala ngamte in ama ii thuhilna ngakla uh hi,” ci hi.

“Mittaw ka mite sia amate tot ngeingawl lampite ah lam ka pui tu hi. Amate khuazing sia khuavak suaksakin a hamna mun sia amate mai ah ka nealsak tu hi. Hite sia ka kamciamte hi a, peal ngawlin ka taangtungsak tu hi.

Tu in ka sonkhol thute taangtung tu hi. Tu in a piang ngawl lai thu thakte hong pian ma ngawngawn in, kong son tu hi.” ci hi.