Popular Bible Verses from Amakorwa ga Abhatumwa 16

Share

Bhakamukyukya ega, “Omwikirirye Omukuru Yeesu, uuwe na abhantu bhanú bharingi iika owaaho, nho murituuribhwa.”

Mbe, mubhutiku gati, Pauro na Siira bhakabha bharamusabha Waryubha na okumwimbira ameembo ga okumugungya. Abhabhohwa abharikyabho bheeki, bhaaringa bharabheetegeerera. Rumwigo, ekirigiti ekinene bhukongʼu kikeebhuka, kora obhurusa bhwa erigereja bhukasingisa. Hayohayo, ebhiseku bhya erigereja bhikasiikuka na eminyororo ginú gyaringa gibhoheri kira oumwi gikasibhuka.

Kimwi akabhahira kibhara, akabhabhuurya ega, “Abhakuru bhaani, ndeenderwa nkore egaki naho ntuuribhwe?”

Omukuru wa erigereja urya, akabhambuka. Hanú yaarora ebhiseku bhya erigereja bhisiikwirwe, akasomora empanga yaaye, akeenda okwiyita, kwa okubha yaakanyanga ega, abhabhohwa bhonsego bhatorokeri. Nawe, Pauro akakora ekituri kwa eriisi erinene ega, “Oteeyita! Bhonsego turingi munu!”