Popular Bible Verses from रोमियों 1

Share

जिथुकै मुखै मसीह कै बारै मुंजी सुसमाचार पांदी पूरा भोरोशा औसौ, इथकारिए सुसमाचार शै ही पौरमेशवरे शुरु दा ही बैगानै यहूदी लोगौ का उध्दार कौरा औरौ ऐबै सौबी लोगौ का उध्दार कौरौ।

जिथुकै सुसमाचार दा पौरमेशवर लोगौ कै आपणै साथै सोही बौणांव औरौ पूरी तरह शै तिथपांदी भोरोशा कौरणा चैंई; जू शुरु शै आखरी तौड़ी बिशवाश पांदी टिकैयौंदा औसौ: जैशै पवित्र शास्त्र दो लैखै राखौ, “सैजा आदमी जू बिशवाश शै धरमी बौणै रौआ सै जियुंदी रौंदा।”

आमै बिना पौरमेशवर कै सौदा कै अनौखी शौकतै औरौ गुणो कै ना दैखै सौकौ। पौरौ इनु बातौ कै पौरमेशवरे दुनिया कै शुरुआत शै, आपणी बाणैयौंदी सौबी चीज़ौ कै दवारा दिखाए राए। इथकारिए तिनु लोगौ कैंई ऐजौ बौलणौ कारिए कुणजाई भाना ना आथी कै सै पौरमेशवर कै ना जाणौ।

इयौं बौजैह शै कै पौरमेशवर कै जाणणौ पांदी बै तिनुऐ पौरमेशवर कै सैजा आदर ना दी जू तैसका औसौ औरौ धन्यवाद ना कौरी, पौरौ सै बैकार कै बातौ सुंचौए, इथै तौड़ी कै तिनकै मूर्ख विचार सौब गौलत औसौ।

जिथुकै लोगै पौरमेशवर कै बारै मुंजी सौचाई पांदी बिशवाश कौरणा छोड़े दिया, औरौ तिनुऐ झूठ कै अपनोऊ, औरौ तिनुऐ पौरमेशवर कै बौदलै दुनिया कै आराधना औरौ सेवा कौरे, पौरमेशवर कै महिमा हमैशा हौंदै रौंव। आमीन।

पौरमेशवर का गुस्सा तौ स्वर्ग पौरैशा तिनु लोगौ की सौबी बुराई औरौ अधरम कै कामौ पांदी प्रगट हौंव, जू आपणै बुरै कामौ कै दवारा लोगौ खै पौरमेशवर कै बारै मुंजी जाणणौ शै रौकौए।

इथकारिए पौरमेशवरे तिनु शर्मनाक कामौ दै छोड़े दियै, इथै तौड़ी कै तिनकी बैटमाणिशै बै जायज रिशतै कै ओकी बैटमाणिशौ कै साथै नाजायज रिशतै दै बौदलै दियै। तैशैखैई मर्द बै बैटमाणिशौ कै साथै जायज रिशतै कै छोड़ेयौ आपी मुंजी कामतुर हौयौ जोल़दै लागै, शर्मनाक काम कौरेयौ सै आपणै शोरीर दै आपणी कौरेयौंदी बुराई कै लायक सौजा पांव। जिथुकै तिनुऐ पौरमेशवर कै अपनाणा मूर्खता सौमझै, इथकारिए पौरमेशवरे बै सैजै सौबै बुरै काम कौरणौ कै तिनु तिनकै निकम्मे मन कै हालत दै छोड़े दियै।

सैजै लोग आपी कै बुध्दिमान जतायो मूर्ख बौणै गौवै, औरौ लोगै हमैशा जियुंदी रौणौवाल़ै पौरमेशवर कै महिमा कै नाश हौणौवाल़ै आदमी दै, चुड़कुल़ै दै, औरौ चौपायों दै, औरौ रेंगणैवाल़ै जन्‍तुऔ कै मूर्ति दै बौदल़ी दी।