Popular Bible Verses from रोमियो 15

Share

आंउ प्रार्थना काता कि परमेश्वर जै आशा दींणार आ, तुहांनि विश्वास कांना मझ पूरी तरह सिंउ खुशी जां शांति सिंउ भरिया, जिहीं कि तैस मझ तुवाड़ा विश्वास आ, ताकि पवित्र आत्मायरी सामर्थ सिंउ तुवे आशाय सिंउ भरी गहिया।

हर अक गल जै पवित्र शास्त्रा मझ पेहिलै किना लिखोरी आ, सैकेई असेड़ि शिक्षाईरै तेईनी लिखियोरी आ, कि जै सब्र जां जोश असुनि पवित्र शास्त्रा किना मेईंता, असै तैस किना आशा रखि सकिया कि परमेश्वरै जै वायदा क्यौरा थ्या, तैस कांना।

आंउ प्रार्थना काता, कि सब्र जां जोश वा परमेश्वर तुहांनि यीशु मसीहरै पिचोरै चलतै योकिया सिंउ शांति सिंउ बेशणा मझ मजत करिया। ताकि तुवे सभ योकिया सिंउ मिलिकरी एकि आवाजि मझ असेड़ै प्रभु यीशु मसीहरै पिता परमेश्वरेरी स्तुति करिया।

ऐठणीरै तेईनी योकिया ग्रहण करा जिहीं यीशु मसीह तुवे ग्रहण क्यौरै अत्तै; ताकि मैहणु परमेश्वरेरी तारीफ करिया।

असु मझियां सभनियां ऐहीं कांनु चेहिंथु, जै साथी विश्वासिरै दिला खुश करिया जां होरनियां केरा विश्वास मजबूत कांनेरै तेईनी मजत करिया।